బాలీవుడ్‌ నటి తనూశ్రీదత్తా స్టార్ట్‌ చేసిన 'మీ టూ' మూమెంట్‌ సినీ పరిశ్రమని కుదిపేసిన సంగతి తెలిసిందే. ఆ తర్వాత చాలా మంది 'మీ టూ'పై తమ తమ అభిప్రాయాల్ని తెలియచెప్పేందుకు ముందుకొచ్చారు. 'మీ టూ' బాధితులు కొందరు పలువురు సినీ ప్రముఖులపై ఆరోపణలు కూడా చేసిన సంగతి తెలిసిందే. అయితే తాజాగా మిల్కీబ్యూటీ తమన్నా ఓ బాలీవుడ్‌ ఇంటర్వ్యూలో మీటూపై స్పందించింది.
'ఏ ఒక్కరూ ఎవ్వర్నీ ముద్దు సీన్లలో నటించాలనీ, రొమాంటిక్‌ సీన్లలో విచ్చలవిడితనం ప్రదర్శించాలనీ బలవంతపెట్టరు. మనకు నచ్చితే ఆ సీన్లలో నటించాలి. లేదంటే కామ్‌గా తప్పుకోవాలి అంతే.. నేను కెరీర్‌ స్టార్ట్‌ చేసిన కొత్తల్లోనే ముద్దు సీన్లలో నటించనని ఖచ్చితంగా చెప్పేశాను. సో 'మీ టూ'పై తనకి ఓ క్లారిటీ ఉంది..' అని తమన్నా చెప్పుకొచ్చింది. తమన్నా ప్రస్తుతం తెలుగులో ఫుల్‌ బిజీగా గడుపుతోంది.
హిందీలోనూ కొన్ని సినిమాల్లో నటించింది. కానీ అంతగా సక్సెస్‌ కాలేదు ఆ సినిమాలు. మంచి అవకాశాలు వస్తే మళ్లీ హిందీలో నటించేందుకు తమన్నా సిద్ధంగా ఉన్నానని చెబుతోంది. తెలుగులో ప్రతిష్ఠాత్మక చిత్రాల్లో తమన్నా నటిస్తోంది. ఈ ఏడాది 'ఎఫ్‌ 2'తో తమన్నా బిగ్గెస్ట్‌ హిట్‌ అందుకుంది. త్వరలో 'దటీజ్‌ మహాలక్ష్మి'తో రాబోతోంది. తమన్నా నటించిన సస్పెన్స్‌ హారర్‌ మూవీ 'అభినేత్రి 2' ఏప్రిల్‌లో ప్రేక్షకులు ముందుకు రానుంది.
