విష్ణు కెరీర్‌లో హిట్లు, ఫ్లాపులు, డిజాస్ట‌ర్లూ ఉన్నాయి. త‌న‌కు ఫ్లాపులు కొత్తేం కాదు. కానీ `మోస‌గాళ్లు` అంత డిజాస్ట‌ర్ తానెప్ప‌టికీ చూసి ఉండ‌డు. ఎందుకంటే.. ఈ సినిమా వ‌ల్ల విష్ణు భారీగా న‌ష్ట‌పోయాడు. దాదాపు 50 కోట్ల‌తో ఈ సినిమా తెర‌కెక్కించా అని విష్ణునే చెప్పాడు. అయితే ఈ సినిమా బిజినెస్ రూపాయి కూడా జ‌ర‌గ‌లేదు. దాంతో సొంతంగా విడుద‌ల చేసుకోవాల్సివ‌చ్చింది. తీరా చూస్తే.. ఈ సినిమాకి ప్ర‌పంచ వ్యాప్తంగా 90 ల‌క్ష‌లు మాత్ర‌మే వ‌చ్చాయి. అంటే... కోటి రూపాయ‌ల కంటే త‌క్కువ.
50 కోట్లెక్క‌డ? కోటి రూపాయ‌లెక్క‌డ? ఆ సినిమా ప్ర‌మోష‌న్ల‌కు కూడా స‌రిపోని మొత్తం ఇది. శాటిలైట్, ఓటీటీ రూపంలో మంచి డ‌బ్బులే వ‌స్తాయ‌ని విష్ణు ఆశించాడు. కానీ అదీ జ‌ర‌గ‌లేదు. ఈ సినిమా కొన‌డానికి ఎవ్వ‌రూ ముందుకు రాలేదు. దాంతో.... ఈ 50 కోట్లూ బూడిద‌లో పోసిన ప‌న్నీరైపోయింది.
