దాదాపు 25 ఏళ్ళ తరువాత కింగ్ నాగార్జున-ఆర్జీవీ కలిసి చేస్తున్న చిత్రానికి సంబందించిన హీరోయిన్ ని దర్శకుడు ఆర్జీవీ కొద్దిసేపటి క్రితమే సోషల్ మీడియా ద్వారా అందరికి పరిచయం చేశాడు.

ఇంతకి ఆమె ఎవరంటే- మైరా సరీన్. ఈ నటి గురించి ఇప్పటివరకు ఎవ్వరికీ తెలియకుండా జాగ్రత్తపడ్డాడు వర్మ. మొన్నటిదాకా, ఈ సినిమాలో అనుష్క నటిస్తున్నది అంటూ ఊహాగానాలు వచ్చిన నేపధ్యంలో ఒక కొత్త అమ్మాయిని హీరోయిన్ ని తీసుకోని అందరికి షాక్ ఇచ్చాడు వర్మ.

తన సినిమాల ద్వారా చాలా మంది హీరోయిన్లని పరిచయం చేసిన రాము ఇప్పుడు ఈ #NAGRGV4 ద్వారా కూడా ఒక కొత్త అమ్మాయిని తెలుగు తెరకి పరిచయం చేయబోతున్నాడు.

ఇక ఈ సినిమా రెగ్యులర్ షూటింగ్ జనవరి లేదా ఫిబ్రవరి నుండి మొదలుకానున్నట్టు తెలుస్తున్నది. ఆర్జీవీ ఏది చేసినా సంచలనమే అని మరోసారి ఈ హీరోయిన్ ఎంపిక ద్వారా నిరూపించాడు.