‘ఐతే’ తో ఆక‌ట్టుకున్న ద‌ర్శ‌కుడు చంద్ర‌శేఖ‌ర్ ఏలేటి. అన్ని సినిమాలూ ఒకేలా ఉండ‌వు.. అని నిరూపించి త‌న‌దైన మార్క్ వేశాడు. ‘అనుకోకుండా ఒక‌ రోజు’, ‘ఒక్కడున్నాడు’, ‘ప్రయాణం’  చిత్రాలు కూడా మంచి పేరు తీసుకొచ్చాయి.

ప్ర‌స్తుతం మైత్రీ మూవీస్‌లో ఓ సినిమా చేయ‌డానికి ఒప్పందం కుదుర్చుకున్నాడు. ఇప్పుడు ఆ క‌థ రెడీ అయ్యింద‌ని టాక్‌. ఈ చిత్రంలో రానా క‌థానాయ‌కుడిగా న‌టిస్తార‌ని స‌మాచారం. రానాకు త‌గిన క‌థ ని  చంద్రశేఖర్ యేలేటి సిద్ధం చేశార‌ని, అది ఈమ‌ధ్య‌ రానాకు కూడా వినిపించారని, ఈ సినిమా చేయ‌డానికి రానా ప‌చ్చ జెండా ఊపేశార‌ని ఇన్ సైడ్ వ‌ర్గాలు చెబుతున్నాయి.

రానా చేతిలో ప్ర‌స్తుతం రెండు తెలుగు సినిమాలున్నాయి. `హౌస్ ఫుల్ 4`లోనూ న‌టిస్తున్నాడు. గుణ శేఖ‌ర్ ద‌ర్శ‌కత్వంలో `హిర‌ణ్య‌` అనే చిత్రం ప‌ట్టాలెక్క‌డానికి రెడీ అవుతోంది. రానా కాల్షీట్లు దొర‌కాలంటే.. మ‌రో నాలుగు నెల‌లైనా ప‌ట్టే అవ‌కాశం ఉంది. సో.. ప్ర‌స్తుతం త‌న చేతిలో ఉన్న సినిమాలు పూర్త‌య్యాకే చంద్ర‌శేఖ‌ర్ ఏలేటితో జ‌ట్టు కుదురుతుంద‌న్న‌మాట‌.