తన కెరీర్ లోనే మొట్టమొదటిసారిగా లవర్ బాయ్ పాత్రలో నటించిన కళ్యాణ్ రామ్ కి ఆ ప్రయత్నం బెడిసికొట్టింది అనే చెప్పాలి. ఎందుకంటే నిన్న విడుదలైన నా నువ్వే చిత్రం మొదటిరోజు కలెక్షన్స్ ఒకసారి చూస్తే మనకి అర్ధమవుతుంది.
మొదటిరోజు ప్రపంచవ్యాప్తంగా ఈ చిత్రం రూ 89 లక్షలు మాత్రమే రాబట్టగలిగింది. అసలు అతని కెరీర్ లోనే ఇంత తక్కువగా మొదటిరోజు వసూలు చేసిన చిత్రంగా ఇది మిగిలిపోనుంది. ఇక అమెరికాలో సైతం ఈ చిత్రానికి వచ్చిన కలెక్షన్స్ శాతం కూడా చాలా తక్కువట. దీనితో ఈ చిత్రం ఫ్లాప్ జాబితాలోకి చేరినట్టే అని ట్రేడ్ వర్గాలు ఒక అంచనాకి వచ్చేస్తున్నాయి.
ఏదేమైనా ఒక ప్రయోగం చేసిన కళ్యాణ్ రామ్ కి దాని ఫలితం మాత్రం అంతగా కలిసిరాలేదు అనే చెప్పాలి. ఈ చిత్రంలో కళ్యాణ్ రామ్ సరసన తమన్నా నటించగా ప్రముఖ యాడ్ ఫిలిం మేకర్ జయేంద్ర దర్శకత్వం వహించారు.
