దీపమున్నప్పుడే ఇల్లు చక్కదిద్దుకోవాలి.. అనే నానుడి హీరోయిన్స్‌కి ముఖ్యంగా టాలీవుడ్‌ హీరోయిన్స్‌కి బాగా వర్కవుట్‌ అవుతుంది. ప్రజెంట్‌ ఓ మోస్తరు క్రేజ్‌లో ఉన్న నభా నటేష్‌ అదే పని చేస్తుందనిపిస్తోంది. ఓ పక్క బిగ్‌ స్క్రీన్‌పై బాగానే ఛాన్స్‌లు కొట్టేస్తోంది. దాంతో పాటు, సోషల్‌ మీడియానీ దడ దడ లాడిస్తోంది. హాట్‌ హాట్‌ ఫోటో సెషన్స్‌తో రెచ్చిపోతోంది. ‘ఇస్మార్ట్‌ శంకర్‌’ సక్సెస్‌ నభాకి బాగా కలిసొచ్చింది. ఆ సినిమా ఇచ్చిన ఇమేజ్‌ని అలాగే కంటిన్యూ చేసేందుకు తనదైన స్టైల్‌లో తెలివి తేటలు ప్రదర్శిస్తోంది. స్పెషల్‌గా గ్లామర్‌ ఫోటో షూట్స్‌ చేయించుకుంటూ దపదపాలుగా ఆ ఫోటోలు నెట్టింట్లో పోస్ట్‌ చేస్తోంది. తద్వారా ఫాలోవర్స్‌ని పెంచుకునే ప్రయత్నం చేస్తోంది.
లేటెస్ట్‌గా రెడ్‌ కలర్‌ డిజైనర్‌ వేర్‌లో హాట్‌ ఎక్స్‌ప్రెషన్స్‌తో కిర్రాక్‌ పుట్టించిందీ జూనియర్‌ ఇలియానా. రెడ్‌ కలర్‌ రన్నింగ్‌ డిజైన్‌లో బ్యూటిఫుల్‌ గాగ్రా చోళీ ధరించి ఓ రేంజ్‌లో హొయలు పోయింది. అన్నట్లు తెలుగులోనే కాకుండా ఈ బ్యూటీ ఇతర భాషల్లోనూ అవకాశాల కోసం ట్రై చేస్తోందట. తమిళ తంబీల్నీ ఇంప్రెస్‌ చేయాలనే కోరిక ఏ మూలనో బలంగా ఉన్నట్లుంది. త్వరలోనే ఆ ముచ్చట తీర్చుకునేలానే ఉందనిపిస్తోంది. ఇకపోతే, తెలుగులో ‘సోలో బతుకే సో బెటర్‌’ అనే సినిమాలో నటిస్తోంది. సాయి ధరమ్‌తేజ్‌ హీరోగా తెరకెక్కుతోన్న ఈ సినిమా ప్రస్తుతం సెట్స్‌పై ఉంది. మరికొన్ని ప్రాజెక్టులు చర్చల దశలో ఉన్నాయట. త్వరలోనే వాటి వివరాలు తెలియజేస్తానని చెబుతోంది అందాల నభా నటేష్‌.
