కన్నడ బ్యూటీ నభా నటేష్‌ తెలుగులో ఏకకాలంలో రెండు సినిమాలతో తెరంగేట్రం చేస్తోంది. ఈ ముద్దుగుమ్మ తెలుగులో నటించిన తొలి సినిమా రవిబాబు దర్శకత్వం వహించిన 'అదుగో' అయినా, ముందుగా విడుదలయ్యేది మాత్రం 'నన్ను దోచుకుందువటే'. సుధీర్‌బాబు హీరోగా తెరకెక్కుతోన్న చిత్రమిది. ఈ నెల 21న ప్రేక్షకుల ముందుకొస్తోంది. 

నటిగా మంచి గుర్తింపు తెచ్చుకునే పాత్రలను ఎంచుకోవాలినుకుంటోందట. అలాగనీ ఎక్స్‌పోజింగ్‌లో అస్సలు అభ్యంతరాల్లేవంటోంది. కథకి అవసరమైతే గ్లామర్‌ ప్రదర్శించడానికీ తాను సిద్ధమే అంటోంది. 'నన్ను దోచుకుందువటే' ప్రచార చిత్రాల్లో ఈ ముద్దుగుమ్మ బాగానే ఎట్రాక్ట్‌ చేస్తోంది. సిరి పాత్రలో యాక్టివ్‌గా అల్లరి పిల్లలా కనిపిస్తూ ఆకట్టుకుంటోంది. ఈ ముద్దుగుమ్మ ఎంచుకున్న రెండు చిత్రాల కథలు పూర్తిగా విభిన్నం. అది చూస్తేనే అర్ధమైపోతోంది. 

ఈ బ్యూటీ కథల ఎంపికలో అప్పుడే ఎంత అనుభవం ఉన్నదానిలా వ్యవహరిస్తుందో. మరో రెండు ప్రాజెక్టులు చర్చల దశలో ఉన్నాయట. త్వరలోనే వాటి వివరాలు ప్రకటిస్తానంటోంది. 'నన్ను దోచుకుందువటే' చిత్రం సక్సెస్‌ అయితే ఈ ముద్దుగుమ్మ కెరీర్‌కి ఏమాత్రం ఢోకా ఉండదనే చెప్పాలి. తర్వాత దసరా బరిలో ఉన్న రవిబాబు 'అదుగో'తో కెరీర్‌లో మరో స్టెప్‌ ముందుకెళ్లేలా చేస్తుంది. అలాగే ఈ ముద్దుగుమ్మకి చిన్నతనం నుండీ ఓ అలవాటుందట. 

ఇతర భాషలపై పట్టు సాధించడం అంటే ఎంతో ఇష్టమట. అలా తెలుగు భాషపై అప్పుడు మమకారం పెంచేసుకుంది. తెలుగులో చిన్న చిన్న పదాలు మాట్లాడడం నేర్చుకుంటోందట. త్వరలోనే పూర్తి స్థాయిలో తెలుగులో మాట్లాడేస్తానంటోంది అందాల నభా నటేష్‌.