నాగ‌చైత‌న్య - విక్ర‌మ్ కె.కుమార్ కాంబినేష‌న్ లో ఓ సినిమా రూపుదిద్దుకుంటున్న సంగ‌తి తెలిసిందే. `థ్యాంక్యూ` అనే టైటిల్ ఖ‌రారు చేశారు. ఇటీవ‌లే క్లాప్ కొట్టుకుంది. త్వ‌ర‌లోనే సెట్స్‌పైకి వెళ్ల‌నుంది. ప్ర‌స్తుతం `ల‌వ్ స్టోరీ`తో బిజీగా ఉన్నాడు నాగ‌చైత‌న్య‌. ఈ సినిమా అవ్వ‌గానే... `థ్యాంక్యూ` రెగ్యుల‌ర్ షూటింగ్ మొద‌లెడ‌తారు. ఇదో క్రీడా నేప‌థ్యమున్న సినిమా అని తెలుస్తోంది. ఈ సినిమాలో నాగ‌చైత‌న్య హాకీ క్రీడాకారుడిగా న‌టించ‌బోతున్నాడ‌ట‌.

త్వ‌ర‌లోనే నాగ చైత‌న్య‌ హాకీ కి సంబంధించిన ట్రైనింగ్ ప్రారంభించ‌నున్నాడ‌ని తెలుస్తోంది. ఈ ట్రైనింగ్ అవ్వ‌గానే... `థ్యాంక్యూ` మొద‌లుకానుంది. అక్కినేని హీరోలతో `మ‌నం` తీశాడు విక్ర‌మ్ కె.కుమార్‌. ఆ త‌ర‌వాత అఖిల్ తో `హ‌లో` చెప్పించాడు. ఆ సినిమా ఫ్లాప్ అయ్యింది. ఆ త‌ర‌వాత నానితో తీసిన `గ్యాంగ్ లీడ‌ర్‌` కూడా నిరాశ ప‌రిచింది. ఈ నేప‌థ్యంలో `థ్యాంక్యూ`తో హిట్టు కొట్ట‌డం విక్ర‌మ్ కి చాలా అవ‌స‌రం. మ‌రి ఈసారి ఏం చేస్తాడో చూడాలి.