నాగ‌చైత‌న్య‌కు మంచి హిట్స్ ఉన్నాయి.కానీ క‌మ‌ర్షియ‌ల్ గా బ్లాక్ బ్ల‌స్ట‌ర్ లేదు. చైతూ సినిమా హిట్ట‌యితే.. మ‌హా అంటే పాతిక కోట్ల సినిమా అవుతుంది. కానీ... `ల‌వ్ స్టోరీ`తో చైతూ రేంజ్ పెరిగింది. ఈసినిమా బిజినెస్ దాదాపు 50 కోట్లు జ‌రిగింది. సో.. ఇప్పుడు చైతూ 50 కోట్ల హీరో అన్న‌మాట‌.

శేఖ‌ర్ క‌మ్ముల ద‌ర్శ‌క‌త్వంలో రూపొందించిన చిత్రం ల‌వ్ స్టోరీ. సాయి ప‌ల్ల‌వి క‌థానాయిక‌. ఈనెల 24న విడుదల అవుతోంది. ఈ సినిమాని నైజంలో నిర్మాత‌లే నేరుగా విడుద‌ల చేసుకుంటున్నారు. ఆంధ్రాలో 16 కోట్ల మేర బిజినెస్ జ‌రిగింది. నైజాం మార్కెట్, ఆంధ్రా, శాటిలైట్, డిజిట‌ల్ రైట్స్ అన్నీ క‌లుపుకుంటే దాదాపు 50 కోట్ల వ‌ర‌కూ మార్కెట్ జ‌రిగింది. వారం రోజుల క్రింద‌టే అడ్వాన్స్ బుకింగులు మొద‌లెట్టారు. దానికి మంచి స్పంద‌న వ‌చ్చింది. తొలి మూడు రోజుల్లో హౌస్‌ఫుల్స్ అవ్వ‌డం ఖాయమ‌న్న సంకేతాలు గ‌ట్టిగా వినిపిస్తున్నాయి. శేఖ‌ర్ క‌మ్ముల సినిమా, పైగా సారంగ ద‌రియా పాట సూప‌ర్ హిట్ అయ్యింది. ఈ సినిమాకి కాస్త పాజిటీవ్ టాక్ వ‌చ్చినా - బాక్సాఫీసు ద‌గ్గ‌ర దుమ్ము రేప‌డం ఖాయం.