ప్ర‌భాస్ - పూజా హెగ్డే క‌లిసి `రాధే శ్యామ్‌`లో న‌టిస్తున్న సంగ‌తి తెలిసిందే. చిత్రీక‌ర‌ణ కూడా దాదాపుగా పూర్త‌య్యింది. సంక్రాంతికి ఈసినిమా ప్రేక్ష‌కుల ముందుకు రాబోతోంది. అయితే.. ఇప్పుడు ఈ సినిమా గురించీ, ముఖ్యంగా పూజా గురించి ఓ రూమ‌ర్ టాలీవుడ్ లో చ‌క్క‌ర్లు కొడుతోంది. `రాధే శ్యామ్` సినిమా ముందు నుంచీ లేటే. దానికి త‌గ్గ‌ట్టు పూజా కూడా... చిత్ర‌బృందాన్ని బాగా విసిగించింద‌ని, చెప్పిన టైమ్ కి సెట్ కి వ‌చ్చేది కాద‌ని, ఈ విష‌యంలో ప్ర‌భాస్ చాలా అసంతృప్తిగా ఉన్నాడ‌ని, ఇద్ద‌రి మ‌ధ్యా మాట‌ల్లేవ‌ని... ప్ర‌చారం జ‌రుగుతోంది. ప్ర‌భాస్ చాలా సైలెంట్. అలాంటి ప్ర‌భాస్ కే పూజా కోపం తెప్పించింద‌న్న‌ది ఈ రూమ‌ర్ల సారాంశం. అయితే... దీనిపై యూవీ క్రియేష‌న్స్ క్లారిటీ ఇచ్చేసింది. పూజా పూర్తి ప్రొఫెష‌న‌ల్ ఆర్టిస్ట్ అంటూ.. స‌ర్టిఫికెట్ ఇచ్చేసింది.

''పూజ ఎప్పుడూ చిత్రీకరణల విషయంలో ఇబ్బంది పెట్టలేదు. చాలా సమయపాలనతో ఉండేది. నిజానికి ఆమెతో పని చేయడం చాలా సులభం. ఈ రూమర్స్ కేవలం కొందరి ఊహకు తగ్గట్టుగా ఉన్నాయి. నాయకానాయికలు.. మొత్తం టీమ్ మధ్య ప్రతిదీ బాగానే ఉన్నాయి. ప్రేక్షకులు మర్చిపోలేని థియేట్రికల్ అనుభవాన్ని అందించడానికి చాలా సంతోషిస్తున్నాము'' అని వివరణ ఇచ్చింది. నిజానికి ప్ర‌తీ సినిమాపై ఏదో ఓ రూమ‌ర్ వ‌స్తూనే ఉంటుంది. అయితే ఏ చిత్ర నిర్మాణ సంస్థా ఇలా వివ‌ర‌ణ ఇచ్చుకోదు. ఎందుకంటే... అలా ఇచ్చుకుంటూ పోతే ప్ర‌తీరోజూ ఓ ప్రెస్ నోట్ విడుద‌ల చేయాల్సివ‌స్తుంది. పూజా విష‌యంలోనూ యూవీ అలానే కామ్ గా ఉండ‌కుండా వివ‌ర‌ణ ఇవ్వాల్సివ‌చ్చింది.