ఆన్ స్క్రీన్ పైనే కాదు, ఆఫ్ స్క్రీన్‌లోనూ 'సూప‌ర్ హిట్ జోడీ' అనిపించుకున్నారు నాగ‌చైత‌న్య - స‌మంత‌.  ఏం మాయ చేసావె ద‌గ్గ‌ర్నుంచి మ‌జిలీ వ‌ర‌కూ ప్ర‌తీ సినిమాలోనూ వీరిద్ద‌రి కెమిస్ట్రీ అదిరిపోతూనే ఉండేది. మ‌జిలీతో సూప‌ర్ హిట్టు కొట్టి మ‌రోసారి త‌మ మ్యాజిక్ తెర‌పై చూపించారు. ఇప్పుడు మళ్ళీ వీరిద్ద‌రూ మ‌రోసారి జోడీ క‌ట్టే అవ‌కాశాలున్నాయ‌ని టాలీవుడ్ టాక్‌.

ఆర్‌.ఎక్స్ 100తో ఆక‌ట్టుకున్న అజ‌య్ భూప‌తి... చైతూకి ఓ క‌థ వినిపించాడు. అది చైతూకి బాగా న‌చ్చేసింది. ఇందులో స‌మంత క‌థానాయిక అయితే బాగుంటుంద‌ని అజ‌య్ భావిస్తున్నాడు. చైతూకి  చెప్పిన‌ప్పుడే స‌మంత కూడా ఈ క‌థ విన్న‌ద‌ని స‌మాచారం. ఆ స‌మ‌యంలోనే ఈ సినిమాలో చేయ‌డానికి స‌మంత ఆస‌క్తి చూపించింద‌ని తెలుస్తోంది. 

అన్నీ కుదిరితే... అజ‌య్ భూప‌తి సినిమాలో వీరిద్ద‌రినీ మ‌రోసారి జంట‌గా చూసేయొచ్చు. ప్ర‌స్తుతం వెంకీ మామ‌తో బిజీగా ఉన్నాడు చైతూ. ఆ త‌ర‌వాత `బంగార్రాజు` ఉంటుంది. ఇవి రెండూ పూర్త‌య్యాకే అజ‌య్ సినిమా సెట్స్‌పైకి వెళ్లొచ్చు.