నాగచైతన్యకు సమంత మ్యాజిక్ మరోసారి వర్కవుట్ అయ్యింది. వరుస ఫ్లాపుల తరవాత.. మజిలీతో చైతూకు ఓ హిట్టు దొరికింది. టాలీవుడ్ పరాజయాల పరంపరకు కూడా మజిలీతో ఓ బ్రేక్ పడినట్టైంది. తొలిరోజు నుంచే... మంచి టాక్ తో దూసుకుపోయిన మజిలీ తొలి వారంలో దాదాపు 25.5 కోట్లు కొల్లగొట్టింది. నాగచైతన్య కెరీర్ లో ఇదే రికార్డు. ఇది వరకు రారండోయ్ వేడుక చూద్దాం రూ.17 కోట్లు వసూలు చేసింది. ఆ రికార్డుని మజిలీ బ్రేక్ చేసింది.
నైజాంలో ఈ సినిమాని రూ.6 కోట్లకు కొనుగోలు చేస్తే ఇప్పటికే 8.5 కోట్లు వచ్చేశాయి. కొన్ని ఏరియాలు ఇప్పటికే లాభాల బాట పడితే, ఇంకొన్ని బ్రేక్ ఈవెన్ అయిపోయి.. లాభాల వేటలో సాగుతున్నాయి. ఓవర్సీస్ లో రూ.3 కోట్లకు ఈ సినిమా ని అమ్మేశారు. ఇప్పటికి రూ.2.75 కోట్లు వచ్చాయి. అక్కడ మాత్రమే బొటాబొటిగా ఈ సినిమా గట్టెక్కుతుంది. ప్రపంచ వ్యాప్తంగా ఈ సినిమాకి 22 కోట్ల బిజినెస్ జరిగింది. మొత్తానికి అటు బయ్యర్లు, ఇటు నిర్మాతలు ఇద్దరూ సేఫ్ అయిపోయి, లాభాల్లో ఉన్నారు.
