'చోటీ చోటీ బాతే..' అంటూ మహేష్‌బాబు, అల్లరి నరేష్‌, పూజాహెగ్దేలపై నడిచే లిరికల్‌ సాంగ్‌ని ఫస్ట్‌ ఆడియో సింగిల్‌గా విడుదల చేసి, స్టిల్స్‌తో అంచనాలు పెంచేసింది 'మహర్షి' టీమ్‌. లేటెస్ట్‌గా సెకండ్‌ సింగిల్‌ వదిలింది. 'నువ్వే సమస్తం..నువ్వే సిద్ధాంతం' అంటూ సాగే ఈ సాంగ్‌లోని లిరిక్స్‌ అర్ధవంతంగా ఆకట్టుకుంటున్నాయి. మహేష్‌బాబు ఇంట్రడక్షన్‌ సాంగ్‌లా అనిపిస్తోందీ సాంగ్‌. ఈ సాంగ్‌లో మహేష్‌ స్టైలింగ్‌కి ఎప్పటిలాగే ఫ్యాన్స్‌ ఫిదా అవుతున్నారు. 

మొత్తం సాంగ్‌ విదేశీ లొకేషన్స్‌లో ఉండబోతోందని ప్రోమోని బట్టి తెలుస్తోంది. బిజినెస్‌ మ్యాన్‌లా హెలికాప్టర్‌ నుండి దిగి స్టైల్‌గా సూట్‌ బటన్స్‌ సర్దుకుంటూ నడిచి రావడం ఈ సాంగ్‌ వీడియోలో హైలైట్‌గా నిలిచింది. ఈ ఏడాది బాక్సాఫీస్‌కి సవాల్‌ విసిరే అసలు సిసలు దమ్మున్న సినిమా పడలేదింతవరకూ. అది మహేష్‌తోనే సాధ్యమని సింబాలిక్‌గా ఉన్నట్లున్నాయి 'నువ్వే నీ పంతం.. నువ్వే అనంతం.. గెలుపే నీ వెంట పడేలా..' అంటూ ఈ సాంగ్‌లోని లిరిక్స్‌. 

సినిమాపై అంచనాలు అయితే ఆకాశాన్నంటే రేంజ్‌లోనే ఉన్నాయి. ఆ అంచనాల్ని 'మహర్షి' అందుకుంటుందా లేదా.? అనేది మరి కొద్ది రోజుల్లోనే తేలిపోతుంది. దేవిశ్రీ ప్రసాద్‌ మ్యూజిక్‌ మరోసారి మ్యాజిక్‌ చేసేలా ఉంది ఈ రెండు సాంగ్స్‌ విన్నాక. వంశీ పైడిపల్లి దర్శకత్వంలో తెరకెక్కుతోన్న 'మహర్షి' వరల్డ్‌ వైడ్‌గా మే 9న విడుదల కానుంది.