నాగ చైత‌న్య ఫుల్ జోష్ లో ఉన్నాడు. ఓ సినిమా పూర్తి కాకుండానే మ‌రో సినిమాని ఓకే చేసేస్తున్నాడు. త‌న ల‌వ్ స్టోరీ విడుద‌ల‌కు సిద్ధంగా ఉంది. ఈలోగా థ్యాంక్యూ మొద‌లెట్టేశాడు. `బంగార్రాజు` క‌థ కూడా దాదాపు ఓకే. ఇప్పుడు మ‌రో సినిమాకి ప‌చ్చ‌జెండా ఊపాడు. యువ ద‌ర్శ‌కుడు కిషోర్ తిరుమ‌ల‌తో ఓ సినిమా చేయ‌డానికి నాగ‌చైత‌న్య అంగీకారం తెలిపిన‌ట్టు టాక్‌.

నేను - శైల‌జ‌, ఉన్న‌ది ఒక‌టే జింద‌గి, చిత్ర‌ల‌హ‌రి చిత్రాల‌తో ఆక‌ట్టుకున్నాడు కిషోర్ తిరుమ‌ల‌. ఇప్పుడు శ‌ర్వానంద్ తో `ఆడాళ్లూ.. మీకు జోహార్లూ` అనిపిస్తున్నాడు. ఈ సినిమా సెట్స్‌పై ఉండ‌గానే.. నాగచైత‌న్య కోసం ఓ స్టోరీ రెడీ చేశాడ‌ని, ఈ క‌థ‌కు నాగ‌చైత‌న్య కూడా ఓకే చెప్పేశాడ‌ని టాక్‌. కిషోర్ తిరుమ‌ల నుంచి ఇది వ‌ర‌కు ప్రేమ‌క‌థ‌లే వ‌చ్చాయి. ఈసారీ.. ల‌వ్ స్టోరీనే రెడీ చేశాడ‌ట‌. అయితే డిఫ‌రెంట్ బ్యాక్ డ్రాప్ లో ఈ క‌థ న‌డుస్తుంద‌ని తెలుస్తోంది. త్వ‌ర‌లోనే పూర్తి వివ‌రాలు వెల్ల‌డ‌వుతాయి.