విలక్షణ సినిమాలతో సందడి చేస్తున్న హీరో మంచు విష్ణు బర్త్‌డే ఈ రోజు. ఈ సందర్భంగా విష్ణు హీరోగా తెరకెక్కుతోన్న 'ఓటర్‌' సినిమా ఫస్ట్‌లుక్‌ విడుదల చేశారు. ఈ లుక్‌ చాలా డిఫరెంట్‌గా ఉంది. కోపంగా కనిపిస్తున్న హీరో, బ్యాక్‌ గ్రౌండ్‌లో పొలిటీషియన్ల ఫోటోలన్నీ ఉండేలా డిజైన్‌ చేశారు. ఎన్టీఆర్‌, చిరంజీవి, మోహన్‌బాబు, బాలకృష్ణ, చంద్రబాబు, వాజ్‌పేయి, మోడీ తదితర పొలిటీషియన్స్‌ అంతా ఈ పోస్టర్‌లో కనిపిస్తున్నారు. చాలా ఇంట్రెస్టింగ్‌గా డిజైన్‌ చేశారు ఈ లుక్‌ని. 

ఈ సినిమాని తెలుగుతో పాటు, తమిళంలో కూడా విడుదల చేస్తున్నారు. కాగా ఈ మధ్య విభిన్న కథాంశాలను ఎంచుకుంటున్నాడు మంచు విష్ణు. ఈ సినిమా ఒకవైపు, మరో వైపు 'ఆచారి అమెరికా యాత్ర' టైటిల్‌తో మరో సినిమాలోనూ నటిస్తున్నాడు. ఇది పక్కా ఎంటర్‌టైనింగ్‌ మూవీ. బ్రహ్మానందం ఈ సినిమాలో కీలక పాత్ర పోషిస్తున్నాడు. ప్రగ్యా జైశ్వాల్‌ ఈ సినిమాలో విష్ణుతో జత కడుతోంది. ప్రస్తుతం ఈ రెండు సినిమాలూ షూటింగ్‌ దశలో ఉన్నాయి. కాగా ఈ బర్త్‌డే బోయ్‌కి మనం కూడా హ్యాపీ బర్త్‌డే చెప్పేద్దామా మరి. విష్‌ యు హ్యాపీ బర్త్‌డే విష్ణు.  

ఈ రోజు మరో యంగ్‌ హీరో నాగ చైతన్య పుట్టినరోజు కూడా. చైతూకి పలువురు సోషల్‌ మీడియా వేదికగా పుట్టినరోజు శుభాకాంక్షలు అందిస్తున్నారు. ప్రస్తుతం చైతూ 'సవ్యసాచి' సినిమాలో నటిస్తున్నాడు. చందూ మొండేటి ఈ సినిమాకి దర్శకత్వం వహిస్తున్నారు. ఇదో డిఫరెంట్‌ కాన్సెప్ట్‌ మూవీ. గతంలో విడుదలైన ఫస్ట్‌లుక్‌కి మంచి రెస్పాన్స్‌ వచ్చింది. ఆ లుక్‌లో చైతూ వెనక్కి తిరిగి నిలబడ్డాడు. తాజాగా మరో లుక్‌ విడుదలైంది. కుడిచేయి పని చేయని కుర్రాడి పాత్రలో నటిస్తున్నాడు నాగచైతన్య ఈ సినిమాలో. ఈ సినిమా తర్వాత చైతూ మారుతి దర్శకత్వంలో ఓ సినిమా చేస్తున్నాడు. 

అన్నట్లు ఈ రోజు హ్యాట్రిక్‌ హిట్స్‌తో దూసుకెళ్తోన్న యంగ్‌ డైరెక్టర్‌ అనిల్‌ రావిపూడి పుట్టినరోజు కూడా. అలాగే డైరెక్టర్ శ్రీవాస్‌ బర్త్‌డే కూడా ఈ రోజే.