అక్కినేని నాగచైతన్య 'యుద్ధం' చేయబోతున్నాడు. అదెందుకో తెలియాలంటే 'యుద్ధం శరణం' సినిమా చూడాల్సిందే. కృష్ణ ఆర్‌వి మరిమత్తు దర్శకత్వంలో ఈ చిత్రం రూపొందుతోంది. ఈ మధ్య క్లాస్‌ టచ్‌తో కూడిన సినిమాలు ఎక్కువగా చేస్తున్న నాగచైతన్య నుంచి పక్కా మాస్‌ ఎంటర్‌టైనర్‌ 'యుద్ధం శరణం' రూపంలో రాబోతోంది. వారాహి బ్యానర్‌లో సాయికొర్రపాటి ఈ చిత్రాన్ని నిర్మిస్తున్నారు. మాస్‌ ఎంటర్‌టైనర్‌ అంటే అలా ఇలా కాదు, రోమాలు నిక్కబొడుచుకునేలా ఆద్యంతం ఉత్కంఠభరితంగా సినిమా రూపొందుతోందని సమాచారమ్‌. సినిమా కోసం భారీ యాక్షన్‌ ఎపిసోడ్స్‌ని చిత్రీకరించారట. అవెలాగుంటాయో తెరపై చూడాల్సిందే. శ్రీకాంత్‌, రేవతి, మురళీశర్మ ఇలా భారీ తారాగణం ఈ చిత్రంలో కన్పించబోతోంది. నాగచైతన్య సరసన ఈ సినిమాలో 'అందాల రాక్షసి' లావణ్య త్రిపాఠి హీరోయిన్‌గా నటిస్తోంది. మాస్‌ ఎంటర్‌టైనర్‌ అయినాసరే హీరో హీరోయిన్ల మధ్య రొమాంటిక్‌ సీన్స్‌, అలాగే ఫ్యామిలీ మెచ్చే అంశాలు సినిమా నిండా పుష్కలంగా ఉంటాయట. 'సాహసం శ్వాసగా సాగిపో', 'ప్రేమమ్‌', 'రారండోయ్‌ వేడుక చూద్దాం' ఇలా వరుస హిట్స్‌తో మంచి స్పీడ్‌ మీదున్న నాగచైతన్య కెరీర్‌ 'యుద్ధం శరణం' తర్వాత మరింత టాప్‌గేర్‌లో దూసుకుపోనుందనడం నిస్సందేహం. ఈ సినిమా టీజర్‌ జులై 31న విడుదల కానుంది.