పక్కింటి అబ్బాయిలా కాదు, మనింట్లో అబ్బాయిలాగే అన్పిస్తాడు హీరో నాగ శౌర్య. ఈ యంగ్‌ హీరో కొత్త సినిమా 'ఛలో'. ఉషా ముల్పూరి నిర్మాణంలో ఈ సినిమా రూపొందుతోంది. వెంకీ కుడుముల దర్శకత్వంలో తెరకెక్కుతోంది. రేపు ఈ సినిమా ఫస్ట్‌లుక్‌ రిలీజ్‌ కానుంది. ఈ లోగా ప్రీ లుక్‌ని రిలీజ్‌ చేశారు. ఈ లుక్‌ చాలా చాలా ఇంట్రెస్టింగ్‌గా ఉంది. తిరుప్పురం అనే ఊరులోకి హీరో వెళుతున్నట్లుగా ఉంది ఈ లుక్‌. ఊరు ముఖ ద్వారాన్ని చాలా ఇంట్రెస్టింగ్‌గా డిజైన్‌ చేశారు. కక్ష్యలు కార్పణ్యాలకు ఆనవాలుగా ఉన్నట్లుంది ఆ ఊరు. చుట్టూ పచ్చని పంట పొలాలు, అక్కడక్కడా ఫెన్సింగులతో ఈ లుక్‌తో వెరీ వెరీ ఇంట్రెస్ట్‌ క్రియేట్‌ చేస్తున్నారు. ఇదేదో ఫ్యాక్షన్‌ మూవీలా అనిపిస్తోంది ఈ లుక్‌ చూస్తుంటే. ప్రీ లుక్కే ఇంత ఇంట్రెస్టింగ్‌గా ఉంటే, ఫస్ట్‌లుక్‌ ఇంకెంత ఇంట్రెస్టింగ్‌గా ఉండబోతోందో కదా. ఎంతటి బరువైన కథనైనా తన నటనతో భలే మలుపు తిప్పేస్తాడు యంగ్‌ హీరో నాగ శౌర్య. మంచి విషయం ఉన్నోడు మనోడు. 'ఊహలు గుసగుసలాడే', 'జ్యో అచ్చుతానంద' తదితర చిత్రాలతో మంచి విజయాల్ని అందుకున్నాడు. ఈ సినిమాతో సమ్‌థింగ్‌ డిపరెంట్‌ కాన్సెప్ట్‌ ఏదో పరిచయం చేస్తానంటున్నాడు. ఎంటర్‌టైన్‌మెంట్‌కి, ఎంటర్‌టైన్‌మెంట్‌ యాక్టింగ్‌కి యాక్టింగ్‌ ఏదైనా ఈజీగా, నేచురల్‌గా చేసేయగల సత్తా ఉంది నాగశౌర్యకి. ఈ సినిమాలో కొత్త నాగ శౌర్య కనిపిస్తాడంటున్నారు. చూడాలి. ఈ సినిమాతో మనోడు ఏం మ్యాజిక్‌ చేయబోతున్నాడో!