నాగ్ 'బంగార్రాజు' పరిస్థితి ఏమిటి?

By Inkmantra - December 03, 2019 - 08:00 AM IST

మరిన్ని వార్తలు

కింగ్ అక్కినేని నాగార్జున సూపర్ హిట్ సినిమాల్లో 'సోగ్గాడే చిన్నినాయన' కూడా ముందు వరుసలో నిలుస్తోంది.  2015 లో విడుదలైన ఈ సినిమా కుటుంబ ప్రేక్షకుల్ని విశేషంగా ఆకట్టుకుని భారీ విజయాన్ని అందుకుంది.  అయితే ఈ సినిమాలో  నాగార్జున చేసిన బంగార్రాజు పాత్రకు విశేషమైన స్పందన లభించింది.  దీంతో దర్శకుడు కళ్యాణ్ కృష్ణ, నాగార్జున - నాగ చైతన్య కాంబినేషన్ లో  ఆ చిత్రానికి సీక్వెల్ తీయబోతున్న సంగతి తెలిసిందే. 

 

అయితే ఎప్పుడో మొదలవ్వాల్సిన ఈ సినిమా దర్శకుడు కళ్యాణ్ కృష్ణ సోదరుడు మరణం కారణంగా  నాగ్ 'బిగ్‌ బాస్‌-3'తో  బిజీగా ఉండటం కారణంగా ఈ సినిమా వాయిదా పడుతూ వచ్చింది.  దాంతో అనుకున్న సమయానికి  బంగార్రాజు సినిమా సెట్స్  పైకి వెళ్ళలేదు.  ఇక జనవరి మూడో వారంలో సినిమాను మొదలుపెట్టి,  వ‌చ్చే ఏడాదే  వేస‌విలో  బంగార్రాజుని  విడుద‌ల చేయాలని  చిత్రబృందం భావిస్తోంది.   

 


కాగా ప్రస్తుతం కళ్యాణ్ కృష్ణ,  ఈ చిత్ర సంగీత దర్శకుడు అనుప్ రూబెన్స్‌తో పాటు సాంగ్స్  కంపోజిషన్స్‌ లో  బిజీగా ఉన్నట్లు తెలుస్తోంది.  అయితే బంగార్రాజు సినిమా స్క్రిప్ట్ పనులు ఫైనల్ స్టేజ్ లో ఉన్నాయట.  ఇక ఈ సినిమాలో ఓ కీలక పాత్రలో రమ్యకృష్ణ కూడా నటించబోతున్నట్లు తెలుస్తోంది. మరి నాగ్ ఈ సారి హిట్ కొడతారా చూడలి. అయితే గత చిత్రం రాహుల్ ర‌వీంద్ర‌న్ ద‌ర్శ‌కత్వంలో  నాగార్జున హీరోగా,  రకుల్ ప్రీత్ సింగ్ హీరోయిన్‌ గా వచ్చిన  `మ‌న్మ‌థుడు 2' బాక్సాఫీస్ వద్ద ప్లాప్ చిత్రంగా నిలిచింది.  దాంతో నాగార్జున తన తరువాత సినిమాల స్క్రిప్ట్ విషయంలో మరింత జాగ్రత్త తీసుకుంటున్నారు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS