నాగార్జున, నాని మల్టీ స్టారర్‌గా రూపొందుతోన్న ఈ సినిమా రిలీజ్‌కి సిద్ధమైంది. తన సినిమా రిలీజ్‌కి ముందు చాలా రిలాక్స్‌డ్‌గా కనిపిస్తాడు నాగార్జున. అయితే 'దేవదాస్‌' విషయంలో నాగ్‌ టెన్షన్‌ పడుతున్నాడట. ఆ టెన్షన్‌ ఆయన ముఖంలో కొట్టొచ్చినట్లు కనిపిస్తోంది. నటుడిగానే కాదు, నిర్మాతగా కూడా నాగార్జున ఎప్పుడూ తన సినిమాల విడుదల విషయంలో టెన్షన్‌ పడింది లేదు ఎప్పుడూ. ఎలాగైనా హిట్‌ కొట్టాలన్న కసి నాగ్‌ మాటల్లో తెలుస్తోంది. 

నటుడిగా, నిర్మాతగా సినిమా ఈక్వేషన్స్‌ నాగార్జునకు బాగా తెలుసు. హిట్‌ కొట్టాలన్న కసి కారణంగా నాగార్జుసలో ఆ టెన్షన్‌ కనిపిస్తుందని అంటున్నారు. నాగార్జునకే కాదు, 'దేవదాస్‌' విషయంలో నానికి కూడా టెన్షన్‌గానే ఉంది. 'కృష్ణార్జునయుద్ధం' సినిమాతో పరాజయం అందుకున్న నానికి 'దేవదాస్‌' ఖచ్చితంగా హిట్‌ తెచ్చిపెట్టాల్సిన సినిమా అవ్వాలి. మరోవైపు బుల్లితెరపై 'బిగ్‌బాస్‌' హోస్ట్‌గా అలరిస్తున్న నానికి సోషల్‌ మీడియాలో నెటిజన్స్‌ నుండి నెగిటివ్‌ కామెంట్స్‌ పడుతున్నాయి. 

బిగ్‌బాస్‌ కంటెస్టెంట్‌ అయిన కౌషల్‌ విషయంలో నాని వ్యవహరిస్తున్న తీరు ఏమాత్రం తేడాగా ఉన్నా, ఆయన సినిమాపై ఆ ఎఫెక్ట్‌ పడుతుందని హెచ్చరికలు కూడా వస్తున్నాయి సోషల్‌ మీడియా వేదికగా. సో ఆ రకంగా 'దేవదాస్‌' సినిమా ఇటు నాగార్జునకీ, అటు నానికీ కూడా టెన్షన్‌ పెంచేస్తోంది. 

శ్రీరామ్‌ ఆదిత్య దర్శకత్వంలో రూపొందుతోన్న ఈ చిత్రంలో ఆకాంక్షసింగ్‌, రష్మికా మండన్నా హీరోయిన్లుగా నటిస్తున్నారు. సెప్టెంబర్‌ 27న ప్రేక్షకుల ముందుకు రానుంది.