'నేనడిగిన ప్రశ్నకు సమాధానం చెప్పినా, చెప్పకపోయినా నేను నిన్ను చంపడం గ్యారంటీ. ఎంత తొందరగా చెబితే, అంత తొందరగా చస్తావ్‌.. తక్కువ నొప్పితో చస్తావా? ఎక్కువ నొప్పితో చస్తావా? చూజ్‌ ' అని నాగార్జున అంటాడు. ఇది ఏ సినిమాలో డైలాగ్‌ ఎక్కడా విన్నట్లు లేదే అనుకుంటున్నారా? అవునండీ వినలేదు. ఎందుకంటే ఇది ఈ రోజే స్టార్ట్‌ అయిన నాగార్జున కొత్త సినిమాలోని డైలాగ్‌. ఇదే ఓపెనింగ్‌ డైలాగ్‌ సినిమా షూటింగ్‌కి. ఈ డైలాగ్‌తోనే సినిమా స్టార్ట్‌ చేశారు. 

రామ్‌గోపాల్‌ వర్మ - నాగార్జున కాంబినేషన్‌లో తెరకెక్కుతోన్న సినిమాలోనిదీ డైలాగ్‌. డైలాగ్‌ అయితే అదిరిపోయింది. ఈ ఒక్క డైలాగ్‌తోనే హీరో క్యారెక్టరైజేషన్‌ని చెప్పేశాడు రామ్‌గోపాల్‌ వర్మ. అదే రామ్‌గోపాల్‌ వర్మ అంటే. ఇప్పుడు ఎక్కడ విన్నా ఈ డైలాగే. ఎవరి నోట విన్నా ఇదే డైలాగ్‌. సోషల్‌ మీడియాలో వైరల్‌ అయిపోతోంది. చాలా క్యాచీగా ఉంది మరి ఈ డైలాగ్‌. 28 ఏళ్ల తర్వాత ఈ కాంబినేషన్‌ రిపీట్‌ అయ్యింది. 'శివ' సినిమాతో స్టార్ట్‌ అయిన ఈ కాంబినేషన్‌ అంటేనే ఓ సెన్సేషన్‌. ఆ సెన్సేషన్‌ మళ్లీ ఇన్నాళ్లకు రిపీట్‌ అయ్యింది. దాంతో సినిమాపై అంచనాలు భారీగా ఉన్నాయి. సినిమా స్టోరీ కూడా చాలా కొత్తగా ఉండబోతోంది. మాంచి యాక్షన్‌ ఎంటర్‌టైనర్‌. చాలా కాలం తర్వాత మళ్లీ ఇలాంటి యాక్షన్‌ డ్రామాలో నాగ్‌ నటిస్తున్నారు. అంతేకాదు నాగ్‌ లుక్‌ కూడా చాలా కొత్తగా డిఫరెంట్‌గా ఉంది ఈ సినిమాలో. 

గతంలో 'శివ' సినిమాని ఎక్కడయితే ప్రారంభించారో అదే చోట ఇన్నాళ్ల తర్వాత ఈ సినిమాని ప్రారంభించడం విశేషం. స్టార్టింగ్‌ డైలాగ్‌కే ఇంత మంచి రెస్పాన్స్‌ వస్తోంది. ఇక ఇలాంటి అదిరిపోయే డైలాగ్స్‌ సినిమాలో చాలానే ఉన్నాయట. ఈ రోజే సెట్స్‌ మీదికెళ్లిన ఈ సినిమా పది రోజుల పాటు షూటింగ్‌ జరుపుకొన్న తర్వాత నాగార్జున, కొంచెం గ్యాప్‌ తీసుకుని అఖిల్‌ 'హలో' సినిమా పనుల్లో బిజీ కానున్నాడట. డిశంబర్‌ 22న 'హలో' రిలీజ్‌. ఆ తర్వాత నుండీ నాగార్జున ఈ సినిమా రెగ్యులర్‌ షూటింగ్‌లో పాల్గొననున్నాడట. అదీ సంగతి.