వయసు మీద పడుతున్నా ఫిట్‌నెస్‌ విషయంలో ఎప్పుడూ రాజీ పడలేదు నాగార్జున ఎప్పుడూ. ఏమాత్రం తన బాడీతో రిస్క్‌ చేయలేదు. ఇప్పటికీ సిక్స్‌ ప్యాక్‌ చేయగల సత్తా ఉన్న హీరో నాగార్జున. కానీ ఆ ఆలోచన చేయడు. ఆరు పదుల వయసుకు దగ్గరవుతున్నా కానీ పదహారేళ్ల కుర్రాడిలాగే హ్యాండ్‌సమ్‌ లుక్‌తో అదరగొట్టేస్తున్నాడు. అందుకే అప్పటికీ ఇప్పటికీ ఎప్పటికీ టాలీవుడ్‌ మన్మధుడంటే నాగార్జునే. ఒప్పుకుని తీరాల్సిందే. తాజాగా మామగారయ్యాడు నాగార్జున. అయినా లుక్‌లో మాత్రం కొడుకులను మించిన హ్యాండ్‌సమ్‌ లుక్‌ ఆయన సొంతం. అన్నట్లు ఇటీవల జరిగిన చై,శామ్‌ పెళ్లిలో చాలా మంది కన్‌ఫ్యూజ్‌ అయ్యారట. నాగ్‌ ఎవరో, చైతూ ఎవరో తెలియక. ఈ విషయం కోడలు సమంతే చెప్పింది. లుక్‌ విషయంలో చైతూ, అఖిల్‌తో పోటీ పడుతున్నారా? అనే ప్రశ్న ఓ యాంకర్‌ నాగార్జునని అడిగితే, అందుకు నాగార్జున ఏం మాటలవి? అని చిరు కోపం ప్రదర్శించారు. కోడలు ఉంది పక్కన అని చిన్నగా నొచ్చుకున్నారు. నిజమే మరి ఈ మధ్య మీసం కూడా తీసేసి ఇంకా యూత్‌ఫుల్‌ అండ్‌ హ్యాండ్‌సమ్‌ లుక్‌లో నాగ్‌ కనిపిస్తున్నారు. ఇద్దరు కొడుకులు హీరోలుగా పోటీ ఇస్తున్నా, కానీ నాగ్‌ స్పీడు ఏమాత్రం తగ్గడంలేదు. మీసం తీసేసి వెరైటీ లుక్‌లో కనిపిస్తున్నారు. తాజాగా 'రాజుగారి గది - 2' సినిమాతో ప్రేక్షకుల ముందుకు వచ్చి, విజయం అందుకున్నారు నాగార్జున.