మొదటి చిత్రంతోనే పరాజయాన్ని ఎదురుకున్న అఖిల్ కి తను చేస్తున్న రెండవ చిత్రం ‘హలో’ విజయం ప్రతిష్టాత్మకంగా మారింది.
ఇక ఈ చిత్రాన్ని వచ్చే నెల 22వ తేదిన విడుదల చేయనున్నారు అన్న నేపధ్యంలో ‘హలో’ చిత్రానికి సంబందించిన టీజర్ ని త్వరలోనే విడుదల చేయనున్నారట. అయితే ఆ టీజర్ కి కింగ్ నాగార్జున వాయిస్ ఓవర్ ఇవ్వనున్నట్టు సమాచారం.
దీనికి సంబంధించి అధికారిక ప్రకటన రాకపోయినప్పటికీ హలో టీజర్ కి నాగ్ వాయిస్ అదనపు ఆకర్షణ కానుంది అని తెలుస్తున్నది.
ఇదిలావుండగా ఈ చిత్రం కోసం అఖిల్ చాలా కష్టపడ్డాడు అని హలో చిత్ర యూనిట్ చెబుతున్నది.
