ఈయేడాది '118'తో హిట్టు కొట్టాడు క‌ల్యాణ్ రామ్‌. ఇప్పుడు 'ఎంత మంచి వాడ‌వురా' అనిపించుకోబోతున్నాడు. స‌తీష్ వేగ్నేశ ద‌ర్శ‌క‌త్వం వ‌హించిన ఈ చిత్రం సంక్రాంతికి విడుద‌ల కాబోతోంది. ఆ త‌ర‌వాత సినిమా కూడా ఫైన‌ల్ అయ్యింది. క‌ల్యాణ్ రామ్ త్వ‌ర‌లో 'రావ‌ణ‌'గా క‌నిపించ‌బోతున్నాడు. వేణు మ‌ల్లిడి ఈ చిత్రానికి ద‌ర్శ‌కుడు. ఎన్టీఆర్ ఆర్ట్స్ సంస్థ ఈ చిత్రాన్ని నిర్మించ‌నుంది.

2020 ఫిబ్ర‌వ‌రిలో షూటింగ్ ప్రారంభం కానుంది. ఇందులో క‌ల్యాణ్ రామ్ నెటిటీవ్ షేడ్స్ ఉన్న పాత్ర‌లో క‌నిపించ‌బోతున్న‌ట్టు తెలుస్తోంది. క‌థ ఎప్పుడో సిద్ధ‌మైంది. ప్ర‌స్తుతం ఇత‌ర న‌టీన‌టులు, సాంకేతిక నిపుణుల ఎంపిక జ‌రుగుతోంది. `తుగ్ల‌క్‌` అనే మ‌రో ప్రాజెక్టు క‌ల్యాణ్ రామ్ చేతిలో ఉంది. ఇది ఎప్పుడో మొద‌ల‌వ్వాల్సింది. కానీ ఇప్ప‌టి వ‌ర‌కూ ముందుకు క‌ద‌ల్లేదు. 'రావ‌ణ‌' పూర్త‌య్యాకే తుగ్ల‌క్ ఉంటుందేమో..?