'ఎక్కడికి పోతావు చిన్నవాడా' చిత్రంతో పరిచయమైన అందాల భామ నందితా శ్వేతా. చేరడేసి కళ్లతో ఆకర్షించే మోముతో కట్టిపడేసే అందం ఈ ముద్దుగుమ్మ సొంతం. అందమే కాదు అభినయం కూడా ఎక్కువే. తొలి సినిమాకే ఎన్నో సినిమాలు చేసేసిన అనుభవం ఉన్న అమ్మాయిలా నటించి మెప్పించింది. అయితే అన్నీ ఉన్నా కానీ ఈ ముద్దుగుమ్మ సక్సెస్‌ కాలేకపోతోంది. తొలి సినిమా హిట్‌ అయినా తర్వాత అవకాశాలు పెద్దగా వరించలేదు. తమిళ, కన్నడ భాషల్లో ఒకటీ అరా చిత్రాలతో బిజీగా గడుపుతోంది. సోషల్‌ మీడియాలో తనని తాను ప్రమోట్‌ చేసుకునేందుకు తాపత్రయపడుతోంది. అచ్చమైన తెలుగమ్మాయి ఫీచర్స్‌తో ఆకట్టుకుంటుంది కాబట్టి తెలుగులో ఆఫర్స్‌ కోసం ట్రై చేస్తోంది ఈ బ్యూటీ. అందుకే ఇదిగో అచ్చమైన తెలుగందంతోనే చూపు తిప్పుకోనీయకుండా చేస్తోంది. ఈ పింక్‌ కలర్‌ డ్రస్సులో కలర్‌ఫుల్‌గా.. నిండు చందమామలా మురిపించట్లే.. అందాల నందితా శ్వేతా.