నిన్న ఉదయం ఒక్కసారిగా తానునిర్మాతగా మారుతున్నట్టు ప్రకటించి అందరిని ఆశ్చర్యపరిచాడు యంగ్ హీరో నాని. ‘అ’ అనే ఈ చిత్ర కథ ఇంతకుముందు ఎన్నడు తెలుగు తెర పై రాలేదు అని అందుకే తాను ఈ చిత్రాన్ని నిర్మిస్తున్నట్టు తెలిపాడు.
ఇక ఈ చిత్రం ఒక చేప పిల్ల చుట్టూ తిరిగే కథ అని ఆ చేప పిల్లకి నాని వాయిస్ ఓవర్ ఇవ్వనున్నట్టు ఫిలిం నగర్ వర్గాల టాక్. అదేవిధంగా ఈ చిత్ర కథలో ప్రముఖ నటీనటులు కూడా భాగస్వాములు అని తెలుస్తున్నది. అందులో హీరో రవితేజ కూడా ఒక చెట్టుకి తన గొంతుని అరువు ఇస్తున్నట్టు తెలిసింది.
ఇదే పద్దతిలో ప్రముఖలంతా ఏవో ఒక పాత్రలకి తమ గాత్రధానం చేయనున్నట్టు సమాచారం. మరి ఇంతలా అందరు ముందుకి వచ్చి చేయడానికి ఈ చిత్ర కథ ఏంటో అన్న ఆసక్తి ఇప్పుడు అందరిలోనూ ఉంది.
ఈ చిత్రానికి యువ దర్శకుడు ప్రశాంత్ దర్శకత్వం వహిస్తుండగా, ‘అ’ చిత్రం ఫిబ్రవరిలో విడుదల చేయనున్నారట.
