సైరా నరసింహా రెడ్డి చిత్రం ఎప్పుడు మొదలవుతుందా అని మెగా అభిమానులు ఎదురు చూస్తుంటే సదరు యూనిట్ మెంబర్స్ ఒక్కోకరుగా సినిమా నుండి వైదోలుగుతున్నారు.
మొన్ననే కెమెరామెన్ రవివర్మన్ బయటకి తెలియని కారణాల వల్ల ఈ చిత్రం నుండి బయటకి వెళ్ళిపోగా తాజాగా సంగీత దర్శకుడు ఏ ఆర్ రెహ్మాన్ కూడా ఈ జాబితాలో చేరాడు. ఈరోజు హైదరాబాద్ లో ఏఆర్ రెహ్మాన్ మ్యూజికల్ నైట్ ఉండడంతో ఆయన ఇక్కడ ప్రెస్ తో ముచ్చటించడం జరిగింది.
ఇక ఆ సందర్భంలోనే ఏఆర్ రెహ్మాన్ తాను చిరంజీవి సైరా నరసింహా రెడ్డి చిత్రం చేయడం లేదు అని ప్రకటించాడు. తన బిజీ షెడ్యూల్ కారణంగానే చేయలేకపోతున్నట్టు చెప్పాడు. అంతేతప్ప వేరే కారణాలు ఏమి లేవని స్పష్టంచేశాడు.
ఈ చిత్రం లేట్ అవుతున్న కొద్ది ఏవో ఒక అవాంతరాలు ఏర్పడుతునే ఉన్నాయి.
