'మజ్ను' సినిమాలో నానితో జత కట్టిన బ్యూటీ అనూ ఇమ్మాన్యుయేల్‌. తొలి సినిమా నుండీ ఈ ముద్దుగుమ్మ మాయ చేస్తూనే వచ్చింది. ఆ మాయతోనే ఏకంగా పవన్‌ కళ్యాణ్‌ సినిమాలోనే ఛాన్స్‌ కొట్టేసింది. నాని సినిమాతో తెలుగు తెరకు పరిచయం అయిన ఈ మలయాళ కుట్టి తెలుగులో వరుస సినిమాలతో బిజీగా ఉంది. గోపీచంద్‌తో 'ఆక్సిజన్‌' సినిమాలో నటిస్తోంది. తాజాగా నానితో మరో సినిమాకి ఈ ముద్దుగుమ్మ సైన్‌ చేసినట్లు ప్రచారం జరుగుతోంది. 'నేను లోకల్‌' సినిమాతో తాజా హిట్‌ అందుకున్న నాని ప్రస్తుతం శివ దర్శక నిర్మాణంలో ఓ సినిమా చేస్తున్నాడు. ప్రస్తుతం ఈ సినిమా శరవేగంగా షూటింగ్‌ జరుపుకుంటోంది. ఈ సినిమా సెట్స్‌ మీద ఉండగానే నాని మరో సినిమాకి గ్రీన్‌ సిగ్నల్‌ ఇచ్చేశాడు. నానికి ఇదేం కొత్త కాదు. వరుసగా రెండు మూడు చిత్రాల్లో నటించేస్తూ ఉంటాడు. దిల్‌ రాజు నిర్మాణంలోనే తెరకెక్కుతోంది ఈ సినిమా. 'నేను లోకల్‌' సినిమాతో నాని కెరీర్‌ టాప్‌ లెవల్‌కి వెళ్లిపోయింది. వేణు శ్రీరామ్‌ దర్శకత్వంలో నాని కొత్త సినిమా ఓకే చేశాడు. ఈ సినిమా కథ చాలా డిఫరెంట్‌గా ఉండబోతోందట. మంచి కథలను తెరకెక్కించడంలో ఎప్పుడూ దిల్‌ రాజు ముందుంటాడు. తాజాగా అలా వచ్చిన సినిమానే 'నేను లోకల్‌'. ఈ సినిమాలో 'ప్రేమమ్‌' బ్యూటీ నానితో జత కడుతుండగా, మరో హీరోయిన్‌గా అనూ ఇమ్మాన్యుయేల్‌ని పరిశీలిస్తున్నారట. 'మజ్ను'తో ఈ జంట భలే సందడి చేసింది. మొత్తానికి ఈ ఏడాది కూడా నాని వరుస సినిమాలతో సందడి చేయబోతున్నాయనే విషయం స్పష్టమవుతోంది.