'ఓం నమో వేంకటేశాయ'. తాజాగా విడుదలై మంచి ప్రశంసలు అందుకుంటోంది. ఆధ్యాత్మిక నేపధ్యంలో తెరకెక్కిన ఈ చిత్రంలో నాగార్జున హథీరామ్‌ బాబా పాత్రలో నటించారు. దర్శకేంద్రుని మరో అపూర్వ సృష్టి ఈ సినిమా. రాఘవేంద్రరావు సినిమాలోని హీరోయిన్లు అంటే చాలా అందంగా కనిపిస్తారు. ఆయన సినిమాలో అవకాశం రావడం అంటేనే ఆ ముద్దుగుమ్మల పంట పండినట్లే. ఈ సినిమాలో అనుష్క, ప్రగ్యాజైశ్వాల్‌ హీరోయిన్లుగా కనిపించారు. అయితే అనుష్క నటన గురించి, ఆహార్యం గురించి వేరే చెప్పక్కర్లేదు. కానీ ఈ సినిమాలో చెప్పుకోదగ్గ మరో బ్యూటీ ప్రగ్యా. 'కంచె' సినిమాతో ఈ భామ యాక్టింగ్‌ పరంగానూ, గ్లామర్‌ పరంగానూ సూపర్బ్‌ అనిపించేసుకుంది. అయితే ఈ సినిమాలో ఆమె పాత్రకు పెద్దగా ప్రాధాన్యత లేకపోయినప్పటికీ బాగా రిజిస్టర్‌ అయిన పాత్రలో నటించింది. తక్కువ నిడివి ఉన్నప్పటికీ, భవానీగా ప్రగ్యా జైశ్వాల్‌ పాత్రకు మంచి మార్కులు పడ్డాయి. అలాగే ఆమె అందంతో అందరి దృష్టినీ మరోసారి ఆకర్షించింది. దర్శకేంద్రుడు ఈమెను చాలా బాగా చూపించాడు. అనుష్క వంటి సీనియర్‌ హీరోయిన్‌ ఉండగా ఇక పక్క ఏ హీరోయిన్‌ అయినా అంతగా కనిపించదు. కానీ ఈ సినిమాలో అనుష్కకు పోటీగా ఈమె నటన ఉండేలా దర్శకేంద్రుడు తగిన జాగ్రత్తలు తీసుకున్నారు. ఆ కారణంగా ప్రగ్యా పాత్ర బాగా పండింది ఈ సినిమాలో. ప్రస్తుతం ఈ భామ 'నక్షత్రం' సినిమాలో నటిస్తోంది. కృష్ణవంశీ డైరెక్షన్‌లో వస్తోన్న ఈ సినిమాలో ఆమెది గెస్ట్‌ రోల్‌ కాగా, మంచు మనోజ్‌తో 'గుంటూరోడు' చిత్రంలో హీరోయిన్‌గా నటిస్తోంది.