రేపు (ఫిబ్రవరి 16) రెండు సినిమాలు ప్రేక్షకుల ముందుకు రానున్నాయి. అందులో ఒకటి నాని సమర్పణలో వస్తున్న 'అ', కాగా, మరోటి మంజుల దర్శకత్వంలో వస్తున్న 'మనసుకు నచ్చింది'. ఈ సందర్భంగా మంజుల 'అ' సినిమాకు విషెస్‌ తెలియజేశారు. డిఫరెంట్‌ కాన్సెప్ట్‌తో తెరకెక్కుతోన్న ఇలాంటి సినిమాలను టాలీవుడ్‌ ప్రోత్సహించాలనీ, ఈ సినిమా మంచి విజయం సాధించాలనీ ఆమె చిత్ర యూనిట్‌కి విషెస్‌ తెలియజేశారు. 

నాని థాంక్స్‌ చెబుతూ, 'అ' సినిమాతో పాటు మంజుల తొలి దర్శకత్వంలో వస్తున్న 'మనసుకు నచ్చింది' సినిమా కూడా మంచి విజయం సాధించాలనీ అన్నారు. ఇకపోతే ఈ రెండు సినిమాలూ ప్రమోషన్స్‌ని వేగవంతం చేశాయి. ఓ పక్క మంజుల 'మనసుకు నచ్చింది' సినిమా ఓ క్యూట్‌ అండ్‌ బ్యూటిఫుల్‌ లవ్‌స్టోరీ కాగా, 'అ' చిత్రం ఓ డిఫరెంట్‌ జోనర్‌ మూవీగా రూపొందింది. 'అ' ప్రమోషన్స్‌ విషయంలో నిర్మాతగా నాని ముందంజలో ఉన్నాడని చెప్పాలి. ఇప్పటికే పలువురు సెలబ్రిటీస్‌ కోసం నాని 'అ' సినిమా ప్రివ్యూ షో వేయించాడు. సినిమా చూసిన వారంతా డైరెక్టర్‌ ప్రశాంత్‌ వర్మపైనా, నిర్మాత నాని పైనా ప్రశంసల జల్లు కురిపిస్తున్నారు. 

ఇంతవరకూ టాలీవుడ్‌లో ఇలాంటి సినిమా రాలేదనీ, ఈ సినిమాని విజయవంతం చేస్తే, ఇలాంటి ప్రయోగాత్మక సినిమాలు మరిన్ని రావడానికి ఊపు వస్తుందనీ అంటున్నారు. ఇప్పటికే సినిమా చూసిన వారిలో ప్రముఖ నిర్మాతలు, ఆర్టిస్టులూ చాలా మంది ఉన్నారు. వారంతా చెప్పే మాట ఒక్కటే వెరీ వెరీ డేరింగ్‌ అండ్‌ డిఫరెంట్‌ అప్రోచ్‌ 'అ'. ఖచ్చితంగా ఇలాంటి సినిమాల్ని ఎంకరేజ్‌ చేయాలి అని అంటున్నారు. ఇదంతా చూస్తుంటే, సినిమాకి ఆల్రెడీ పోజిటివ్‌ టాక్‌ వచ్చేసిందనే అనిపిస్తోంది. ఇక ప్రేక్షకుల తీర్పే మిగిలి ఉంది. మరి కొద్ది గంటల్లోనే అది కూడా తేలిపోనుంది. లెట్స్‌ వెయిట్‌ అండ్‌ సీ.