వరుస హిట్స్ తో కెరీర్ లో మంచి ఊపుమీదున్న నాని ఇప్పుడు నిర్మాతగా మారి నిర్మించిన చిత్రం ‘అ’. ఈ చిత్రం రేపు ప్రపంచవ్యాప్తంగా విడుదలకానుంది. ఇక ఇదే సమయంలో నాని హీరోగా తరువాత చేయబోయే చిత్రం గురించిన వివరాలు బయటకి వచ్చాయి.
ఆ వివరాల్లోకి వెళితే- హీరో నాని-దర్శకుడు విక్రమ్ కుమార్ కలయికలో ఒక చిత్రం రానుందట. ఇప్పటికే కథా చర్చలు కూడా ఒక దఫా ముగిసినట్టుగా తెలిసింది. దీనితో వీరి కలయికలో త్వరలోనే ఒక మంచి చిత్రం రాబోతున్నట్టుగా ఇప్పటికే ఒక అంచనాకి వచ్చేయోచ్చు.
హలో చిత్రంతో విక్రమ్ కూడా హిట్ కొట్టడం అలాగే హీరో నాని కూడా మంచి సక్సెస్ లలో ఉండడంతో వీరి మధ్య రానున్న చిత్రం కూడా హిట్ అయ్యే అవకాశాలు ఎక్కువ అని ఇండస్ట్రీలో ఒక టాక్ విన్పిస్తున్నది.
ఇక దీనికి సంబందించిన ఒక అధికారిక ప్రకటన త్వరలోనే వెలువడనుంది.
