తెలుగులో మినిమం గ్యారెంటీ హీరో అనిపించుకొంటున్న క‌థానాయ‌కుడు నాని. వ‌రుస‌గా ఆరు హిట్లు కొట్టి.. టాప్ ఫామ్ లో ఉన్నాడు. స‌రికొత్త క‌థ‌ల్ని ఎంచుకొంటూ.. స‌క్సెస్‌లు కొడుతున్నాడు. ఇప్ప‌టి వ‌ర‌కూ ల‌వ్, ఎంట‌ర్‌టైన్‌మెంట్ స్టోరీలు చేసిన నాని.. ఇప్పుడు ఓ వినూత్న క‌థాంశాన్ని ఎంచుకోబోతున్నాడ‌ట‌. త్వ‌ర‌లో మిల‌ట‌రీ నేప‌థ్యంలో సాగే ఓ సినిమాలో న‌టించ‌బోతున్నాడ‌ట నాని. ''నా కెరీర్‌లో ఇలాంటి క‌థ చేయ‌డం ఇదే తొలిసారి. 2018 ప్ర‌ధ‌మార్థంలో ఈ చిత్రం సెట్స్‌పైకి వెళ్తుంది. ద‌ర్శ‌కుడు ఎవ‌రన్న‌ది త్వ‌ర‌లో చెబుతా'' అంటున్నాడు నాని. త‌ను క‌థానాయ‌కుడిగా న‌టించిన 'నిన్ను కోరి' ఈ వార‌మే ప్రేక్ష‌కుల ముందుకు వ‌స్తోంది. మ‌రోవైపు 'ఎంసీఏ' చిత్రీక‌ర‌ణ ద‌శ‌లో ఉంది. ఆ త‌ర‌వాత మేర్ల‌పాక గాంధీ ద‌ర్శ‌క‌త్వంలో న‌టించ‌డానికి ఓకే చెప్పాడు నాని. మేర్ల‌పాక సినిమా పూర్త‌య్యాక‌.. మిల‌ట‌రీ క‌థ ప‌ట్టాలెక్కుతుంది.