నేచురల్ స్టార్ నాని ప్రస్తుతం చేతినిండా సినిమాలతో  చాలా బిజీగా ఉన్నాడు. సరిపోదా శనివారంతో హిట్ అందుకున్న నాని నెక్స్ట్ హిట్ 3  చేస్తున్నాడు. శ్రీకాంత్ ఓదెలతో ఒక ప్రాజెక్ట్ కమిట్ అయ్యాడు. ఈ సినిమాలో బాలీవుడ్ హీరోయిన్ శ్రద్ద కపూర్ నాని కి జోడీ గా నటిస్తోంది. ఇవి కాక కోలీవుడ్ క్రియేటీవ్ దర్శకుడు లోకేష్ కనక రాజ్ యూనివర్స్ లో నాని కూడా భాగం  అయినట్లు తెలుస్తోంది. ఇన్ని ప్రాజెక్ట్స్ చేస్తూ ఇప్పుడు ఇంకో సినిమా కూడా ఓకే చేసినట్లు  సమాచారం. ఇదివరకు నాని నటించిన టక్ జగదీశ్ సినిమాకి నిర్మాతగా వ్యవహరించిన సాహు గారపాటితో నాని ఒక మూవీ చేస్తున్నాడని తెలుస్తోంది. 

వీరి కాంబో మూవీకి మలయాళ దర్శకుడు విపిన్ దాస్ దర్శకత్వం వహించనున్నారు. జయ జయ జయ హే, గురువాయూర్ అంబలనాదయిల్ లాంటి సినిమాలతో హిట్ లు అందుకున్న ఈ దర్శకుడు ఇప్పుడు తెలుగులో నాని సినిమాకి దర్శకత్వం వహిస్తున్నారు. విపిన్ దాస్ చేసిన సినిమాలు నానికి నచ్చి అతని కథకి గ్రీన్ సిగ్నల్ ఇచ్చినట్లు తెలుస్తోంది. త్వరలో ఈ మూవీకి చెందిన డిటైల్స్ అఫీషియల్ గా అనౌన్స్ చేయనున్నారు. 

హ్యాట్రిక్ హిట్స్ తో ఫుల్ ఫామ్ లో ఉన్న నాని నెక్స్ట్ సినిమాలు కూడా విజయం సాధిస్తాయని ఫాన్స్ నమ్మకంగా ఉన్నారు.  శైలేష్ కొలను దర్శకత్వంలో నాని చేస్తున్న హిట్ 3 నెక్స్ట్ ఇయర్ సమ్మర్ కి రిలీజ్ అవుతోంది. నెక్స్ట్ శ్రీకాంత్ ఒదెల మూవీ మొదలవుతుంది. వీటి తరవాత విపిన్ దాస్ తో మూవీ ఉండే చాన్స్ ఉంది. వీటితోపాటు OG ఫేమ్ సుజీత్‌తో కూడా ఒక యాక్షన్ డ్రామా ప్లాన్ చేస్తున్నాడు నాని. నాని కూడా ఇప్పుడు పాన్ ఇండియా హీరో అయిపోయాడు.