వరుస విజయాలతో దూసుకుపోతున్న హీరో నానికి ఇప్పుడు కొత్త అవతారం ఎత్తనున్నాడు.
అదేంటంటే- ప్రశాంత్ అనే యువ దర్శకుడు చెప్పిన కథ బాగా నచ్చడంతో స్వయంగా ఆయననే నిర్మాతగా మారి వాల్ పోస్టర్ సినిమా అనే నిర్మాణ సంస్థ ద్వారా ఈ చిత్రాన్ని నిర్మిస్తున్నాడట. ఇక ఈ చిత్రానికి సంబందించిన టైటిల్, ఫస్ట్ లుక్ ఈ రోజు సాయంత్రం 6గంటలకి విడుదల చేస్తానని స్వయంగా నాని ట్విట్టర్ ద్వారా ప్రకటించాడు.
అయితే ఈ చిత్ర కథ మొత్తం ఒక చేప పిల్ల చుట్టూ తిరుగుతుంది అని తెలుస్తున్నది. ఈ సాయంత్రం ఫస్ట్ లుక్ విడుదల తరువాత పూర్తీ వివరాలు తెలిసే అవకాశం ఉంది. ఇప్పటికే 80% షూటింగ్ పూర్తిచేసుకున్న చిత్రం ఫిబ్రవరిలో విడుదలయ్యే అవకాశం ఉంది.
ఇక ఈ చిత్రానికి నాని కేవలం వాయిస్ ఓవర్ ఇస్తున్నట్టు సమాచారం, ఆయన ఈ సినిమాలో కనిపిస్తాడా లేదా అన్న దాని పైన క్లారిటీ ఇంకా రావల్సివుంది.
