నారా రోహిత్‌ హీరోగా తెరకెక్కుతోన్న చిత్రం 'బాలకృష్ణుడు'. ఈ సినిమా ట్రైలర్‌ తాజాగా విడుదలైంది. పవన్‌ మల్లెల ఈ సినిమాని తెరకెక్కిస్తున్నారు. ట్రైలర్‌కి రెస్పాన్స్‌ అదిరిపోతోంది. సిక్స్‌ ప్యాక్‌తో నారా రోహిత్‌ ఫుల్‌ జోష్‌గా కనిపిస్తున్నాడు. యాక్షన్‌ సీక్వెన్సెస్‌ ఇరగదీసేశాడు. ట్రైలర్‌లోనే ఇంత చూపిస్తే, సినిమాలో ఇంకెంత చూపిస్తాడో ఇక. రెజీనా హీరోయిన్‌గా నటిస్తోంది. అందాల రెజీనా సూపర్‌ హాట్‌గా కనిపిస్తోంది. హీరోయిన్‌ పాత్రకి ప్రాధాన్యత ఉన్నట్లు అనిపిస్తోంది ట్రైలర్‌ చూస్తుంటే. 

శివగామి రమ్యకృష్ణ కీలక పాత్రలో నటిస్తోంది. విలక్షణ కథలను ఎంచుకునే నారా రోహిత్‌ తొలిసారిగా యాక్షన్‌ ట్రాక్‌ ఎక్కాడు ఈ సినిమాతో. కమర్షియల్‌ టచ్‌ ఉన్న మూవీ ఇది. ఈ సినిమా ఆడియో ఫంక్షన్‌కి ముద్దుగుమ్మ సమంత, మెగా మేనల్లుడు సాయి ధరమ్‌ తేజ్‌ ముఖ్య అతిధులుగా విచ్చేశారు. మణిశర్మ ఈ సినిమాకి సంగీతం అందించారు. కొంచెం బొద్దుగా ముద్దుగా ఉండే నారా రోహిత్‌ ఈ సినిమాతో చాలా మారిపోయాడు. చాలా బరువు తగ్గాడు. హ్యాండ్‌సమ్‌ లుక్స్‌తో స్లిమ్‌గా కనిపిస్తున్నాడు. సిక్స్‌ ప్యాక్‌ చూపించలేదు కానీ ఆ స్థాయిలో స్లిమ్‌గా కనిపిస్తున్నాడు. 

రెజీనా, నారా రోహిత్‌ కలిసి నటించిన 'జ్యో అచ్చుతానంద' సినిమా మంచి విజయం అందుకుంది. ఈ సారి ఈ జంట మళ్లీ 'బాలకృష్ణుడు'తో చూడ ముచ్చటగా కనువిందు చేయనుంది. విలక్షణ నటుడిగా పేరు తెచ్చుకున్న నారా రోహిత్‌కి ఇదో డిఫరెంట్‌ జోనర్‌ అనే చెప్పవచ్చు. యాక్షన్‌ హీరోగా గుర్తింపు తెచ్చుకునేందుకు నారా రోహిత్‌కి ఈ సినిమా ఉపయోగపడుతుందనడంలో అతిశయోక్తి కాదు. డైలాగ్స్‌, యాక్షన్‌, డాన్సులు అన్నీ ఇరగదీసేశాడట సినిమాలో నారా రోహిత్‌. ఇటీవలే 'శ్యమంతకమణి' సినిమాతో మల్టీ స్టారర్‌ మూవీలో నటించిన నారా రోహిత్‌ ఆశించిన ఫలితాన్ని అందుకోలేకపోయాడు. ఈ సినిమా నారా రోహిత్‌కి మంచి పేరు తీసుకొస్తుందని ఆశిద్దాం!