ప్ర‌తినాయ‌క పాత్ర‌లు పోషించ‌డానికి మ‌న హీరోలు ఇప్పుడిప్పుడే రెడీ అవుతున్నారు. అందులో ఉన్న డెప్త్ ఇప్పుడే అర్థ‌మ‌వుతోంది వాళ్ల‌కు. ఛాలెంజింగ్ రోల్ అనిపిస్తే విల‌న్‌గా క‌నిపించ‌డానికి ఏమాత్రం ఆలోచించ‌డం లేదు. ఇప్పుడు నారా రోహిత్‌ కూడా విల‌న్ పాత్ర‌లోనే ఎంట్రీ ఇవ్వ‌బోతున్నాడ‌ని టాక్‌. త‌ను క‌థానాయ‌కుడిగా న‌టించిన చిత్రం క‌థ‌లో రాజ‌కుమారి.  మహేష్ సూర‌ప‌నేని ద‌ర్శ‌క‌త్వం వ‌హించిన ఈ చిత్రానికి సంబంధించిన ఫ‌స్ట్ లుక్ ఇటీవ‌లే విడుద‌లైంది. ఫ‌స్ట్ లుక్‌లో మంచి మాసీ లుక్‌లో క‌నిపిస్తున్నాడు నారా రోహిత్‌.  త‌మిళ సినిమాలోని హీరోలా ఉన్నాడ‌ని కామెంట్లు కూడా వినిపించాయి. అయితే అస‌లు ట్విస్ట్ ఏంటంటే.. ఈ సినిమాలో నారా రోహిత్ హీరో కాద‌ట. విల‌న్ అట‌. అయితే... ఇందులో మ‌రో ట్విస్ట్ ఏంటంటే... ఆ విల‌న్ కూడా ఉత్తుత్తి విల‌నేన‌ట‌. క‌థ‌లో రాజ‌కుమారి అనేది సినిమా బ్యాక్ డ్రాప్‌లో న‌డిచే క‌థ‌. సినిమాల్లో విల‌న్ పాత్ర‌లు పోషిస్తుంటాడు మ‌న హీరో. తాను ఓ అమ్మాయిని ప్రేమిస్తాడు.. అదీ క‌థ‌. అలా.. నారా రోహిత్ హీరో కాని విల‌న్‌. విల‌న్ కాని హీరో అన్న‌మాట‌.