టాలీవుడ్‌లో వార‌సుల‌కు కొద‌వ‌లేదు. హీరోలు, ద‌ర్శ‌కుల త‌న‌యులు వెండి తెర బాట ప‌ట్ట‌డం స‌హ‌జం. నిర్మాత‌ల వార‌సులు కూడా త‌మ అదృష్టం ప‌రీక్షించుకోవ‌డానికి రెడీ అంటున్నారు. ఆ రూపంలో మ‌రో వార‌సుడి అరంగేట్రం జ‌రిగిపోయింది. 'మళ్ళీ మళ్ళీ చూశా' సినిమాతో హీరోగా టాలీవుడ్ కు పరిచయం అవుతున్న అనురాగ్ నిర్మాత త‌న‌యుడే.  శ్వేత అవస్తి మరియు కైరవి తక్కర్ ఈ సినిమాలో క‌థానాయిక‌లుగా న‌టిస్తున్నారు. సాయిదేవ రామన్ దర్శకుడిగా ప‌రిచ‌యం అవుతున్నారు.  

త‌న‌యుడ్ని హీరోగా చూసుకోవాల‌న్న ఉద్దేశ్యంతో ప్ర‌ముఖ నిర్మాత‌ కోటేశ్వ‌ర‌రావు ఈ చిత్రాన్ని తెర‌కెక్కిస్తున్నారు. ఈ రోజు ఫ‌స్ట్ లుక్ విడుద‌లైంది. టైటిల్‌ని బ‌ట్టి ఇదో ప్రేమ‌క‌థ అని అర్థ‌మైపోతోంది. త‌న‌యుడి సినిమా కాబ‌ట్టి... కావ‌ల్సిన దానికంటే ఎక్కువే ఖ‌ర్చు పెట్టారు. యువ సంగీత సంచ‌ల‌నం శ్ర‌వ‌ణ్ భ‌ర‌ద్వాజ్‌ని సంగీత ద‌ర్శ‌కుడిగా ఎంచుకున్నారు.

టెక్నిక‌ల్ టీమ్ స‌పోర్ట్ కూడా బాగానే ఉంది. మ‌రి ఈ సినిమా.. ఏ మేర విజ‌యం సాధిస్తుందో, క‌థానాయ‌కుడిగా అనురాగ్‌.. ఏమాత్రం రాణిస్తాడో చూడాలి. ఈటివి ప్రభాకర్, మిర్చి కిరణ్, కీల‌క పాత్ర‌లు పోషించిన ఈ చిత్రం ఫిబ్ర‌వ‌రిలో ప్రేక్ష‌కుల ముందుకు రానుంది.