పాము, హిప్నటైజ్‌.. దేవుడు, నమ్మకం.. తదితర అంశాలతో ఉత్కంఠభరింతంగా తెరకెక్కించిన ‘కార్తికేయ’ చిత్రం మంచి విజయం అందుకుంది. సస్పెన్స్‌ థ్ల్రిల్లర్‌ మూవీస్‌ని ఇష్టపడే వారి మనసు దోచింది. హీరో నిఖిల్‌ సిద్దార్ద్‌ కెరీర్‌ బెస్ట్‌ మూవీగా నిలిచింది. లాంగ్‌ గ్యాప్‌ తర్వాత ఈ సినిమాకి సీక్వెల్‌ రూపొందుతోంది. ఈ కథకీ పాము కథే మూలం. అయితే, ఈ సారి మరింత టెక్నికల్‌ వేల్యూస్‌తో, ఆసక్తికరమైన కథా, కథనాలతో స్క్రిప్టు సిద్ధం చేశాడట డైరెక్టర్‌ చందూ మొండేటి. పాము బ్యాక్‌ గ్రౌండ్‌లో ఇంతవరకూ వినని సరికొత్త కాన్సెప్ట్‌ని రెడీ చేశాడట.
లేటెస్ట్‌గా రిలీజ్‌ చేసిన ఈ సినిమా కాన్సెప్ట్‌ పోస్టర్‌కి మంచి రెస్పాన్స్‌ వస్తోంది. చాలా రిచ్‌గా ఈ కాన్సెప్ట్‌ పోస్టర్‌ని డిజైన్‌ చేశారు. ఫస్ట్‌ ఇంప్రెషన్‌ ఈజ్‌ ది బెస్ట్‌ ఇంప్రెషన్‌ అన్నట్లుగా కాన్సెప్ట్‌ పోస్టర్‌తోనే ఆడియన్స్‌లో క్యూరియాసిటీ పెంచేశారు. తొలి పార్ట్‌లో కలర్స్‌ స్వాతి హీరోయిన్‌గా నటించగా, సీక్వెల్‌ కోసం అనుపమా పరమేశ్వరన్‌ని ఎంచుకున్నారు. కలర్స్‌ స్వాతి ఓ ఇంపార్టెంట్‌ గెస్ట్‌ రోల్‌లో కనిపించనుందని ప్రచారం జరుగుతోంది. అభిషేక్‌ పిక్చర్స్‌, పీపుల్స్‌ మీడియా పతాకంపై ఈ సినిమా రూపొందుతోంది. ఇకపోతే, ఇటీవలే ‘అర్జున్‌ సురవరం’ సినిమాతో సూపర్‌ హిట్‌ కొట్టి మంచి జోష్‌ మీదున్న నిఖిల్‌, త్వరలోనే పెళ్లి కొడుకు కానున్నసంగతి తెలిసిందే.
