యంగ్‌ హీరోలు సందీప్‌ కిషన్‌, నిఖిల్‌ నాసాలో సందడి చేస్తున్నారు. షూటింగ్స్‌కి బ్రేకిచ్చి, ఈ యంగ్‌ హీరోలు సరదాగా నాసా టూర్‌ వేశారు. ఆ టూర్‌లోని ఫోటోల్ని సోషల్‌ మీడియాలో షేర్‌ చేసి, ఫ్యాన్స్‌తో పంచుకున్నారు. ప్రస్తుతం నెట్టింట్లో ఈ ఫోటోలు వైరల్‌ అవుతున్నాయి. ఇదిలా ఉంటే, ప్రస్తుతం హీరో సందీప్‌ కిషన్‌ 'తెనాలి రామకృష్ణ బిఎబిఎల్‌' సినిమాలో నటిస్తున్నాడు. ఈ ఏడాది ఆల్రెడీ 'నిను వీడని నీడను నేనే' సినిమాతో హిట్‌ కొట్టాడు సందీప్‌ కిషన్‌. నిఖిల్‌ విషయానికి వస్తే, 'అర్జున్‌ సురవరం' రిలీజ్‌ వాయిదా పడడంతో కొంచెం డిప్రెషన్‌లోకి వెళ్లిన మాట వాస్తవమే.
అయితే, ఇప్పుడు డిప్రెషన్‌ నుండి తేరుకుని, ఈ సినిమా విడుదలకు ఓ మంచి ముహూర్తం కోసం ఎదురు చూస్తున్నాడు. ఈలోగా కాస్త రీఫ్రెష్‌మెంట్‌ కోసం ఇదిగో ఇలా వెకేషన్స్‌ని ఎంజాయ్‌ చేస్తున్నారు. ఆ క్రమంలోనే నాసాని సందర్శించాడు. నాసా టూర్‌తో చాలా విషయాలు నేర్చుకున్నామనీ, చాలా సంతోషంగా ఉందని ఈ యంగ్‌ హీరోలు చెబుతున్నారు. వీరిద్దరితో పాటు, నటుడు ఆదర్శ్‌ బాలకృష్ణ కూడా వెకేషన్‌ ఎంజాయ్‌ చేస్తున్నాడు. నటుడిగానే కాకుండా, సెకండ్‌ సీజన్‌ బిగ్‌బాస్‌ కంటెస్టెంట్‌గా ఆదర్శ్‌ అందరికీ సుపరిచితుడు.
