హీరో నితిన్ ఇండస్ట్రీలో 20 ఏళ్లు పూర్తి చేసుకున్నాడు. జయంతో ప్రారంభమైన నితిన్ కెరీర్ అనేక ఎత్తుపల్లాలు చూసింది. డజనుకు పైగా ఫ్లాప్‌ల తర్వాత ఇష్క్‌తో మళ్ళీ గాడిలో పడ్డాడు. ప్రస్తుతం మాచర్ల నియోజిక వర్గం షూటింగ్ లో వున్న నితిన్ 20 ఏళ్లు పూర్తి చేసుకున్న సందర్భంగా అభిమానులు, స్నేహితులు పరిశ్రమ వర్గాలకు కృతజ్ఞతలు తెలుపుతూ ఒక ఎమోషనల్ పోస్ట్ చేశారు
“డియర్ ఫ్రండ్స్.. 20 సంవత్సరాల క్రితం, నా మొదటి సినిమా జయంతో నా ప్రయాణాన్ని ప్రారంభించాను. ఈ ప్రయాణం మాటల్లో వర్ణించాలును. ముందుగా నాకు మొదటి బ్రేక్ ఇచ్చి నాలోని నటుడిని గుర్తించినందుకు తేజ గారికి హృదయపూర్వక ధన్యవాదాలు. నేను పనిచేసిన ప్రతి సినిమాకు దర్శకులు, నిర్మాతలు, నటీనటులు, సాంకేతిక నిపుణులు, సిబ్బంది అందరికీ ధన్యవాదాలు. నన్ను ఆదరించి నాపై నమ్మకం వుంచి నాతో ప్రయాణించిన ప్రతి ఒక్కరికీ ధన్యవాదాలు. మీ ప్రేమ నన్ను ముందుకు నడిపించింది. చివరిగా అచంచలమైన విశ్వాసంతో నన్ను నిలబెట్టిన నా అభిమానులకు హృదయపూర్వక కృతజ్ఞతలు.' అని అందరికీ కృతజ్ఞతలు తెలిపారు నితిన్.
