ఈ మధ్య హీరోల ఆదరణకు సోషల్ మీడియాలో ఫాలోయర్ల సంఖ్య కూడా ఒక కొలమానం అయింది. ఈతరానికి చెందిన ఎక్కువ మంది ప్రేక్షకులు తమ అభిమాన నటీనటులను ఫేస్ బుక్, ట్విట్టర్, ఇన్స్టాగ్రామ్ లాంటి సోషల్ మీడియా వేదికల్లో ఫాలో అవుతూ ఉంటారు. అందుకే హీరోలు కూడా తమ ఫాలోయర్ల సంఖ్య పెరిగినప్పుడు సంతోషం వ్యక్తం చేయడం సహజం.
తాజాగా నితిన్ ట్విట్టర్లో 3 మిలియన్ల ఫాలోయర్లను సాధించారు. ఈ సందర్బంగా తన సంతోషం వ్యక్తం చేస్తూ "3 మిలియన్లు. చాలా సంతోషంగా ఉంది. నా ప్రయాణంలో భాగంగా ఉంటూ నాపై ప్రేమ కురిపిస్తున్న అద్భుతమైన అభిమానులకు బిగ్ థ్యాంక్ యూ" అంటూ ఒక కృతజ్ఞతలు తెలిపారు. ఈ సందర్బంగా సూపర్ స్మైల్ తో ఉన్న ఫోటో కూడా షేర్ చేసుకున్నాడు. టాప్ హీరోలకు మూడు మిలియన్ల ఫాలోయర్ల సంఖ్య తక్కువ కావచ్చేమో కానీ మీడియం రేంజ్ హీరోలకు ఈ నెంబర్ చాలా పెద్దదనే చెప్పాలి.
నితిన్ ఫ్యూచర్ ప్రాజెక్టుల విషయానికి వస్తే 'రంగ్ దే' సినిమా చివరి దశలో ఉంది. ఇది కాకుండా చంద్రశేఖర్ యేలేటి సినిమా, కృష్ణ చైతన్య దర్శకత్వంలో 'పవర్ పేట', మేర్లపాక గాంధీ దర్శకత్వంలో 'అంధా ధున్' రీమేక్ చేయాల్సి ఉంది.
