నాని `వి` సినిమా ఓటీటీలో విడుద‌లైపోయింది. ఇప్పుడు నితిన్ కూడా నాని బాట‌లోనే త‌న సినిమానీ ఓటీటీకి ఇచ్చేయాల‌ని చూస్తున్నాడా? అవుననే అంటున్నాయి సినీ వ‌ర్గాలు. నితిన్ - కీర్తి సురేష్ జంట‌గా న‌టించిన చిత్రం `రంగ్ దే`. వెంకీ అట్లూరి ద‌ర్శ‌కుడు. ఓ ప‌ది రోజుల షూటింగ్ బాకీ ఉంది. ఈనెలాఖ‌రున సింగిల్ షెడ్యూల్ లో షూటింగ్ అంతా పూర్తి చేద్దామ‌న్న‌ది దర్శ‌క నిర్మాత‌ల ప్లాన్‌. ఈలోగా ఈ సినిమాకి ఓ మంచి ఓ టీ టీ ఆఫర్ వ‌చ్చింద‌ని తెలుస్తోంది.

జీ5 ఈ సినిమాకి 25 కోట్ల‌కు కొన‌డానికి రెడీ అయ్యింద‌ట‌. ఓటీటీలో ఇది మంచి ఆఫ‌రే. నిర్మాత కూడా ఈ సినిమాని ఓటీటీకి ఇవ్వ‌డ‌మే బెట‌ర్ అనుకుంటున్నాడ‌ని టాక్‌. త్వ‌ర‌లోనే ఈ సినిమాని ఓటీటీకి ఇవ్వాలా? వ‌ద్దా? అనే విష‌యంలో ఓ నిర్ణ‌యం తీసుకుంటార‌ని తెలుస్తోంది. మ‌రోవైపు సాయిధ‌ర‌మ్ తేజ్ సినిమా `సోలో బ‌తుకే సో బెట‌రు` కూడా ఓటీటీలోనే విడుద‌ల అవుతుంద‌ని స‌మాచారం. దీన్ని కూడా జీ నే కొనుక్కుంటోంద‌ట‌.