ఛల్ మోహన్ రంగ సినిమా విడుదలకి సమీపిస్తున్న సమయంలో నితిన్ మరో చిత్రం శ్రీనివాస కళ్యాణం షూటింగ్ లో బిజీగా ఉన్నాడు. ఇది పక్కన పెడితే, మరో కొత్త చిత్రానికి పచ్చ జెండా ఊపినట్టు సమాచారం.
అందుతున్న సమాచారం ప్రకారం, ఛలో చిత్రంతోనే సూపర్ హిట్ అందుకున్న్ దర్శకుడు వెంకీ కుడుముల ఈమధ్యనే హీరో నితిన్ కి ఒక స్టొరీ లైన్ చెప్పాడట. అది నితిన్ కూడా బాగా నచ్చడంతో వెంటనే ఒకే చెప్పేశాడట. అయితే ఈ చిత్రం, శ్రీనివాస్ కళ్యాణం చిత్రం షూటింగ్ అయ్యాక ఇది మొదలుకానుందట.
ఇక దర్శకుడు వెంకీ విషయానికి వస్తే, త్రివిక్రమ్ దగ్గర దర్శకత్వ శాఖలో పనిచేసిన ఈ యంగ్ డైరెక్టర్ తన మొదటి చిత్రంతోనే తన దర్శకత్వ ప్రతిభ చూపెట్టాడు అని చెప్పాలి. ఛలో చిత్రంలో ముఖ్యంగా కామెడీ పార్ట్ ని బాగా డీల్ చేయడంతో హీరోల దృష్టి ఈయన పైన పడింది.
ఇప్పుడు నితిన్ ఇచ్చిన అవకాశం గనుక సరైన హిట్ గా మార్చుకుంటే కచ్చితంగా స్టార్ డైరెక్టర్ అయ్యే అవకాశాలు పుష్కలంగా ఉన్నాయి.
