యంగ్‌ హీరో నితిన్‌ నుండి వస్తోన్న 'భీష్మ' సినిమాపై ఓ మోస్తరు అంచనాలున్నాయి. ఆ అంచనాలు లేటెస్ట్‌గా విడుదలైన పోస్టర్స్‌తో నెక్స్‌ట్‌ లెవల్‌కి చేరాయి. ఓ పోస్టర్‌లో యాక్షన్‌ సీక్వెన్‌ చూపించారు. ఈ యాక్షన్‌ స్టిల్‌ని దగ్గరగా అబ్జర్వ్‌ చేస్తే, మహేష్‌బాబు - త్రివిక్రమ్‌ శ్రీనివాస్‌ కాంబినేషన్‌లో వచ్చిన 'ఖలేజా'లోని యాక్షన్‌ సీన్‌ని తలపిస్తోంది. ఇక ఇంకో స్టిల్‌లో కూల్‌ రొమాంటిక్‌ యాంగిల్‌ ఉంది. ఈ రొమాంటిక్‌ యాంగిల్‌ కూడా కాపీ కొట్టినట్లుగానే కనిపిస్తోంది. రౌడీస్టార్‌ విజయ్‌ దేవరకొండ నటించిన బ్లాక్‌ బస్టర్‌ మూవీ 'గీత గోవిందం'లో స్టిల్‌ని తలపిస్తోంది.
స్టిల్స్‌ బాగున్నా, కాపీ స్టిల్స్‌లా ఉన్నాయంటూ నెటిజన్స్‌ అభిప్రాయపడుతున్నారు. 'ఛలో' ఫేమ్‌ వెంకీ కుడుముల ఈ సినిమాకి దర్శకత్వం వహిస్తున్నాడు. రష్మికా మండన్నా హీరోయిన్‌గా నటిస్తోంది. డిశంబర్‌లో ఈ సినిమాని విడుదల చేసేందుకు చిత్ర యూనిట్‌ సన్నాహాలు చేస్తోంది. లేటెస్ట్‌ స్టిల్స్‌ విషయంలో ఫ్యాన్స్‌ పాజిటివ్‌ ఒపీనియన్‌తో ఉన్నా, కాపీ అనే ఫీలింగ్‌ మరో పక్కన దొలిచేస్తోంది.
సో తర్వాత రాబోయే స్టిల్స్‌లో అయినా 'భీష్మ' టీమ్‌ ఆ ఫీలింగ్‌ని స్కిప్‌ చేసే ప్రయత్నం చేయాల్సి ఉంది. ఇదిలా ఉంటే, రష్మికా మండన్నాకి ఈ దీపావళి డబుల్‌ ధమాకా అని చెప్పాలి. దీపావళి సందర్భంగా 'భీష్మ' స్టిల్‌తో పాటు, ఆమె నటిస్తున్న 'సరిలేరు నీకెవ్వరూ..' నుండి కూడా ఓ సూపర్బ్‌ స్టిల్‌ రిలీజ్‌ చేశారు. రెండింట్లోనూ రష్మికా ట్రెడిషనల్‌ వేర్‌లో కూల్‌ అప్పీల్‌ ఇస్తుండడం విశేషం.
