‘ఛలో’ సినిమాతో సూపర్‌ హిట్‌ కొట్టిన దర్శకుడు వెంకీ కుడుముల దర్శకత్వంలో తెరకెక్కుతోన్న చిత్రం ‘భీష్మ’. ఇటీవలే షూటింగ్‌ కంప్లీట్‌ చేసుకుని, పాటల రూపంలో ఆల్రెడీ ప్రమోషన్స్‌కి బోణీ కొట్టింది. ఇంతవరకూ విడుదలైన పాటలన్నీ సూపర్‌ హిట్‌ టాక్‌ తెచ్చుకున్నాయి. సినిమాపై అంచనాల్ని కూడా మరో మెట్టు ఎక్కించాయి. ఇక ఇప్పుడే అసు సిసలు అగ్ని పరీక్ష ఉంది. ఫిబ్రవరి 21న సినిమా ప్రేక్షకుల ముందుకు రానుంది. ఈ నేపథ్యంలో చిత్ర యూనిట్‌ ప్రమోషన్స్‌కి రంగం సిద్ధం చేస్తోంది. హీరో, హీరోయిన్లు నితిన్‌ - రష్మిక అప్పుడే ప్రమోషన్స్ కోసం తమదయిన స్టయిల్లో రంగంలోకి దూకేశారు.

ప్రమోషన్స్‌లో రష్మిక అసలే హైపర్ యాక్టివ్. పైగా, ఆమె ఈ ఏడాది ఇప్పటికే సూపర్ హిట్ కొట్టేసింది ‘సరిలేరు నీకెవ్వరూ‘ సినిమాతో. ఇక, భీష్మ రిలీజ్‌కి మరి కొద్ది రోజు మాత్రమే ఉంది. ఈ కొన్ని రోజుల్నీ వీలైనంత ఎక్కువగా సద్వినియోగం చేసుకోవానే యోచనలో ‘భీష్మ’ టీమ్‌ ఉన్నట్లుంది. ఇదిలా వుంటే, ఇప్పటికే విడుదలైన ప్రోమోస్ కారణంగా రొమాంటిక్‌ ఎంటర్‌టైనర్‌ అనే ట్యాగ్‌ని ‘భీష్మ’ దక్కించేసుకుంది. పోస్టర్స్‌ అన్నీ హీరో, హీరోయిన్‌ మధ్య కెమిస్ట్రీని చాలా చక్కగా ప్రతిబింబిస్తున్నాయి. మరింత లవ్లీగా, ఇంకాస్త కొత్తగా ‘భీష్మ’ ప్రమోషన్స్‌ ముస్తాబవుతున్నట్లు తెలుస్తోంది. ‘అఆ’ సినిమా తర్వాత నితిన్‌కి కెరీర్‌లో మంచి హిట్‌ దక్కలేదు. ‘భీష్మ’తో సూపర్‌ డూపర్‌ రొమాంటిక్‌ హిట్‌ కొట్టాన్న కసి మీదున్నాడు నితిన్‌. మరి ఆ కసి తీరుతుందో లేదో లెట్స్‌ వెయిట్‌ అండ్‌ సీ.!