నంద‌మూరి బాల‌కృష్ణ `ఎన్టీఆర్‌` బ‌యోపిక్ తీస్తాడ‌న్న ప్ర‌క‌ట‌న రాగానే... అంద‌రి దృష్టీ అటువైపు ప‌డింది.  ఓ తండ్రి క‌థ‌ని కొడుకు బ‌యోపిక్‌గా తీయ‌డం బ‌హుశా ఇదే తొలిసారేమో. 

అందుకే `ఎన్టీఆర్‌` బ‌యోపిక్ గురించి ఆస‌క్తిగా చ‌ర్చించుకున్నారు. మార్చిలో ఈ సినిమా మొద‌ల‌వుతుంద‌ని భావించారంతా. కానీ ఇప్ప‌టి వ‌ర‌కూ అలాంటి అలికిడేం క‌నిపించ‌డం లేదు. స‌రి క‌దా... బాల‌య్య మ‌రో సినిమా మొద‌లెట్టే మూడ్‌లో ఉన్నాడు. తేజ కూడా వెంకీ సినిమా హ‌డావుడిలో ప‌డిపోయాడు. దాంతో `ఎన్టీఆర్‌` బ‌యోపిక్ కి ఏమైంది? అనే అనుమానాలు త‌లెత్తుతున్నాయి.  

విశ్వ‌స‌నీయ వ‌ర్గాల స‌మాచారం మేర‌కు ఎన్టీఆర్ బ‌యోపిక్ ఇప్ప‌ట్లో ఉండ‌క‌పోవొచ్చు. వెంక‌టేష్‌తో సినిమా పూర్త‌యిన త‌ర‌వాత గానీ తేజ ఖాళీ అవ్వ‌డు. ఈలోగా బాల‌య్య కూడా మ‌రో సినిమా పూర్తి చేయాలి. ఎన్టీఆర్ సినిమాలోని ప్ర‌ధాన పాత్ర‌ల కోసం కావ‌ల్సిన‌ట్టు తారాగణం దొరక్క‌పోడం, స్క్రిప్టు పూర్తి స్థాయిలో సిద్ధం కాక‌పోవ‌డ‌మే ఎన్టీఆర్ బ‌యోపిక్ ఆల‌స్యం అవ్వ‌డానికి ప్ర‌ధాన కార‌ణాల‌ని తెలుస్తోంది. 

సో.. ఎన్టీఆర్ బ‌యోపిక్ ఇప్ప‌ట్లో లేన‌ట్టే.