అందాల రాముడుతో హీరోగా టర్న్ తీసుకున్నాడు సునీల్. మ‌ర్యాద రామ‌న్న సూప‌ర్ హిట్ట‌వ‌వ్వ‌డంతో ఇక హీరోగా సెటిలైపోయాడు. కానీ... ఈమ‌ధ్య కాలంలో సునీల్‌కి ఒక్క‌టంటే ఒక్క హిట్టూ ప‌డ‌లేదు. వ‌రుస‌గా అర‌డ‌జ‌ను ఫ్లాపులు చుట్టిముట్టాయి.
సునీల్‌తో సినిమా చేయ‌డానికి నిర్మాత‌లు జంకుతున్నారు. సునీల్‌ని హీరోగా చూడ్డానికీ ప్రేక్ష‌కులు అంత‌గా ఆస‌క్తి చూప‌డం లేదు. సునీల్ మ‌ళ్లీ క‌మెడియ‌న్ అవ‌తారం ఎత్తాల్సిందే అని చాలామంది స‌ల‌హాలు ఇచ్చారు. ఇప్పుడు అదే నిజ‌మైంది. సునీల్ ఇప్పుడు క‌ళ్లు తెరిచాడు. కమిడియన్గా పూర్తిగా యూ టర్న్ తీసేసుకున్నాడు. ఇప్పుడు త‌న చేతిలో ఏకంగా ఆరు సినిమాలున్నాయి. అదీ.. కమిడియ‌న్‌గానే.
త్రివిక్ర‌మ్ - ఎన్టీఆర్‌సినిమాలో సునీల్‌కి ఓ పాత్ర ద‌క్కింది. సైరాలోనూ సునీల్ న‌టిస్తున్నాడు. శ్రీ‌నువైట్ల - ర‌వితేజ సినిమాలోనూ సునీల్ క‌మెడియ‌న్‌గా క‌నిపించ‌బోతున్నాడు. ఓవైపు న‌రేష్‌తో కల‌సి ఓ సినిమాలో హీరోగా న‌టిస్తున్నాడు. ఎప్పుడైతే కమిడియన్గా టర్న్ అయ్యాడో...
సునీల్‌కి భారీ ఆఫ‌ర్లు అందుతున్నాయి. దాంతో పాటు అడ‌పా ద‌డ‌పా హీరోగా వేషాలేసుకోవ‌డానికి డిసైడ్ అయ్యాడు సునీల్. నిజంగానే సునీల్ కెరీర్‌కి ఇది మేలిమి మ‌లుపు అనుకోవొచ్చు.
