టాలీవుడ్‌లో తెర‌కెక్కుతున్న మ‌రో క్రేజీ ప్రాజెక్ట్‌... 'ఎన్టీఆర్‌'. సినిమా - రాజ‌కీయ రంగాల్లో త‌న‌దైన ముద్ర వేసి - తెలుగు వారి కీర్తిని న‌లుదిశ‌లా చాటిన మ‌హనీయుడి చ‌రిత్ర ఇది. పైగా ఆయ‌న వార‌సుడు నంద‌మూరి బాల‌కృష్ణ `ఎన్టీఆర్‌`గా క‌నిపించ‌బోతున్నాడు. 

విద్యాబాల‌న్‌, రానా, ర‌కుల్‌, నిత్య‌మీన‌న్.. ఇలా స్టార్లు ఎంతోమంది ఉన్నారు. అందుకే ఈసినిమాపై క్రేజ్ రోజు రోజుకీ పెరిగిపోతోంది. దానికి త‌గ్గ‌ట్టుగానే బిజినెస్ కూడా జ‌రుగుతోంది. ఎన్టీఆర్ బ‌యోపిక్ (రెండు భాగాలు) ఓవ‌ర్సీస్ హ‌క్కుల్ని యు.ఎస్ తెలుగు మూవీస్ సంస్థ ద‌క్కించుకుంది. రూ.18 కోట్ల‌కు పార్ట్ 1, పార్ట్ 2లు అమ్ముడుపోయాయ‌ని స‌మాచారం.  

సంక్రాంతి సంద‌ర్భంగా జ‌న‌వ‌రి 9న పార్ట్ 1 విడుద‌ల చేస్తారు. జ‌న‌వ‌రి 24న రెండో భాగం వ‌స్తుంది. క్రిష్ ద‌ర్శ‌క‌త్వం వ‌హిస్తున్న ఈ చిత్రాన్ని ఎన్‌బికే సంస్థ నిర్మిస్తోంది. దాదాపుగా షూటింగ్ పూర్తికావొచ్చింది. 

రెండు భాగాలు క‌లిసి వంద కోట్ల వ‌ర‌కూ బిజినెస్ అయ్యే సూచ‌న‌లు క‌నిపిస్తున్నాయి.