'ఎన్టీఆర్‌' బ‌యోపిక్‌కి సంబంధించి రోజుకో అప్ డేట్ బ‌య‌ట‌కు వ‌స్తోంది. ఈ సినిమా నిండా విశేషాలే. మొన్న శ్రీ‌దేవిగా ర‌కుల్ ప్రీత్ సింగ్ ఫ‌స్ట్ లుక్ విడుద‌ల చేశారు. నిన్న క‌ల్యాణ్ రామ్ సెట్లో అడుగుపెట్టిన ఫొటో ఒక‌టి వ‌దిలారు.  

ఇలా ప్ర‌తీ రోజూ 'ఎన్టీఆర్‌' బ‌యోపిక్ వార్త‌ల్లో ఉండేలా చిత్ర‌బృందం జాగ్ర‌త్త‌లు తీసుకుంటోంది. ఇప్పుడు ఈ సినిమాకి సంబంధించిన కీల‌క‌మైన విష‌యం బ‌య‌ట‌కు వ‌చ్చింది. ఎన్టీఆర్ బయోపిక్‌ని రెండు భాగాలుగా రూపొందిస్తున్న సంగ‌తి తెలిసిందే. 'క‌థానాయ‌కుడు', 'మ‌హా నాయ‌కుడు' పేర్ల‌తో ప‌ది హేను రోజుల వ్య‌వ‌ధిలో ఈ రెండు చిత్రాల్నీ విడుద‌ల చేస్తున్నారు. 

ఈ సినిమాల‌కు సంబంధించిన టీజ‌ర్ల‌ను దీపావ‌ళికి విడుద‌ల చేస్తార‌ట‌. 'క‌థానాయ‌కుడు' టీజ‌ర్‌ని ఉద‌యం, 'మ‌హా నాయ‌కుడు' టీజ‌ర్‌ని సాయింత్రం విడుద‌ల చేస్తార‌ట‌. ఒకేరోజు.. బాల‌య్య‌కి సంబంధించిన రెండు టీజ‌ర్లు చూసే అవ‌కాశం ద‌క్కుతోంది. ఇది నిజంగా నందమూరి వారి దీపావ‌ళి అనుకోవొచ్చు. 

బయోపిక్‌ని రెండు భాగాలుగా రూపొందించ‌డం ఓ చ‌రిత్ర అయితే.. దాన్ని ప‌దిహేను రోజుల వ్య‌వ‌ధిలో విడుద‌ల చేయ‌డం ఓ సాహ‌సం. ఒకే రోజు రెండు టీజర్లు బ‌య‌ట‌పెట్ట‌డంకూడా అరుదైన ఘ‌న‌తే. ఇవి మూడూ 'ఎన్టీఆర్‌' బ‌యోపిక్‌కి ద‌క్కాయి.