నంద‌మూరి బాల‌కృష్ణ‌కు జ్యోతిష్యం అన్నా, శాస్త్రాల‌న్నా, సంప్ర‌దాయాల‌న్నా చాలా న‌మ్మ‌కం గౌర‌వం. బాల‌య్య సినిమాలు, ఆడియోలు, ఫ‌స్ట్ లుక్‌లు అన్నీ ముహూర్తాల ప్ర‌కార‌మే సాగుతాయి. ఆఖరికి ఆయ‌న మీడియాకు ఇంట‌ర్వ్యూలు ఇవ్వాల‌న్నా ముహూర్తం చూసుకుంటారు. ఇప్పుడు కూడా వాటి ప్ర‌కార‌మే.. 'ఎన్టీఆర్‌' ఆడియో వేదిక డిసైడ్ చేశార‌ని స‌మాచారం.

బాల‌కృష్ణ ప్ర‌ధాన పాత్ర‌లో `ఎన్టీఆర్‌` బ‌యోపిక్ రూపుదిద్దుకుంటున్న సంగ‌తి తెలిసిందే. ఈనెల 21న నిమ్మ‌కూరులో ఆడియో ఫంక్ష‌న్ చేయాల‌ని నిర్ణ‌యించుకున్నారు. అయితే ఇప్పుడు ఆ వేదిక మారింది. దాదాపుగా ఆడియోని హైద‌రాబాద్లోనే విడుద‌ల చేసే అవ‌కాశాలున్నాయి. వేదిక మార్చ‌డానికి చాలా బ‌ల‌మైన కార‌ణం ఉంద‌ట‌. నిమ్మ‌కూరులో కంటే.. హైద‌రాబాద్ లోనే ఆడియో ఫంక్ష‌న్ చేస్తే మంచిద‌ని జ్యోతిష్యుడు బాల‌య్య‌కు స‌ల‌హా ఇచ్చాడ‌ట‌.

అందుకే... బాల‌య్య ఇప్పుడు ఆడియో వేడుక జ‌రిగే వేదిక మార్చాడ‌ని తెలుస్తోంది. నిజానికి ఆదివారం ట్రైల‌ర్ విడుద‌ల చేయాల‌ని అనుకున్నారు. ఇప్పుడు ఆ డేట్ కూడా మారింది. 21నే పాట‌ల‌తో పాటు ట్రైల‌ర్‌నీ విడుద‌ల చేస్తారు. ట్రైల‌ర్ విడుద‌ల తేదీ మార‌డం వెనుక కూడా జ్యోతిష్యుడి స‌ల‌హా ఉంద‌ని టాక్‌.