టాలీవుడ్‌లో స్వర్గీయ ఎన్టీఆర్‌ బయోపిక్‌ తెరకెక్కుతోన్న సంగతి తెలిసిందే. బాలయ్య ప్రధాన పాత్రలో ఈ సినిమా తెరకెక్కనుంది. అయితే డైరెక్టర్‌ మిగతా డీటెయిల్స్‌లో ఇంకా క్లారిటీ లేదు కానీ, సినిమా అయితే త్వరలోనే పట్టాలెక్కనుందని తెలియవస్తోంది. డైరెక్టర్‌ తేజ ఈ సినిమాని తెరకెక్కించే డైరెక్టర్స్‌ లిస్టులో ఉన్నారు. మరో పక్క ఈ సినిమాని తెరకెక్కించే ప్రయత్నాల్లో రామ్‌ గోపాల్‌వర్మ కూడా ఉన్నారు. వర్మ ఎన్టీఆర్‌ బయోపిక్‌ని 'లక్ష్మీస్‌ ఎన్టీఆర్‌' టైటిల్‌తో తెరకెక్కిస్తున్నట్లుగా ప్రకటించారు. కాగా జూనియర్‌ ఎన్టీఆర్‌ వద్ద ఈ బయోపిక్‌ విషయాన్ని ప్రస్థావిస్తే, ఆయన పాత్రలో నేను చేయలేనన్నారాయన. చేయలేనంటే నటించలేనని కాదు కానీ, నేను ఆ పాత్రలో నటించి ఆయన గౌరవాన్ని తగ్గించలేననీ, ఆ తాతకు మనవడిగా ఆయనంటే తనకెంతో గౌరవమనీ ఆయన అన్నారు. చేయగలిగే సత్తా ఉన్నప్పటికీ, అంతటి ధైర్యం చేయలేనని ఎన్టీఆర్‌ చెప్పడం విశేషం. నటనలో జూనియర్‌ ఎన్టీఆర్‌ తాతకు తగ్గ మనవడు. ఆ పాత్రలో ఎన్టీఆర్‌ ఖచ్చితంగా నటించి మెప్పించగలడు. కానీ నటించనన్నాడంటే ఆయనపై ఎన్టీఆర్‌కి ఎంత అభిమానమో తెలుస్తోంది. ఇటీవలే 'జై లవకుశ' సినిమాతో ప్రేక్షకుల మందుకొచ్చాడు ఎన్టీఆర్‌. బాబీ దర్శకత్వంలో తెరకెక్కిన ఈ సినిమా ఎన్టీఆర్‌ నట విశ్వరూపానికి నాందిగా నిలిచింది. నెగిటివ్‌ రోల్‌లో నటించిన జై పాత్ర ఆయన కెరీర్‌లోనే స్పెషల్‌గా నిలిచిన క్యారెక్టర్‌. రాశీఖన్నా, నివేదా థామస్‌ హీరోయిన్లుగా నటించారు ఈ సినిమాలో.